Pineapple curry උත්සව අවස්ථාකට කදිම අන්නාසි කරිය

Pineapple curry – රසවත් මෙන්ම පෝෂ්‍යදායක ආහාරයක් වන අන්නාසි කරිය උත්සව අවස්ථාවන් සඳහාත් ගැළපෙන කෑමක්. බත්, පරාටා වැනි කෑම සමගින් ආහාරයට ගත හැකියි.

අවශ්‍ය ද්‍රව්‍ය

• අන්නාසි ග්‍රෑම් 300 ක් ( කොටු හැඩයට කපාගත්)

• රතු ලූනූ ගෙඩි 2,3 ක් (සිහින්ව කපාගත්)

• සුදු ලූනූ ගෙඩි පේස්ට් තේ හැඳි 01

• අමුමිරිස් කරල් කිහිපයක්

• රම්පෙ

• කරපිංචා

• බැද ගත් තුනපහ කුඩු මේස හැඳි 1 1/2 ක්

• මිරිස් කුඩු මේස හැඳි 1 ක්

• කහ කුඩු ස්වල්පයක්

• කුරුඳු ස්වල්පයක්

• සීනි තේ හැඳි බාගයක්

• ලුණු

• තෙල් මේස හැඳි 1 ක්

• පොල්කිරි කෝප්ප 1 ක්

සාදන ආකාරය

මැටි බඳුනක් ළිප තබා එයට තෙල් එකතු කර, සුදු ළූණු , අමුමිරිස්, රම්පෙ, කරපිංචා, කුරුඳු එක් කර මිනිත්තු කිහිපයක් බැදගන්න. ඉන්පසු එයට මිරිස් කුඩු, තුනපහද එක් කරමින් බැදගන්න. දැන් කහ කුඩු හා අන්නාසි කැබැලිද එක් කර මිශ්‍ර කරන්න. ළූණු සහ සීනි එකතු කර බඳුන මූඩියකින් වසා සකසා ගන්න. වතුර ගතිය නැතිවු විට පොල් කිරි එක් කර හොඳින් මිශ්‍ර කරගනිමින් මිනිත්තු 2 – 3 ක් පමණ පිස ගන්න.