ස්ත්රී දූෂණ සහ ලිංගික අතවර වරදට හොලිවූඩ් නළුවාට වසර 10 ක සිරදඬුවමක්
Hollywood විනෝදාස්වාද ලෝකය කැළඹූ Russell Brand ට එල්ල වූ ලිංගික අපරාධ නඩුව ජාත්යන්තර මාධ්යවල උණුසුම් පුවතක් වී තිබෙනවා. ස්ත්රී දූෂණ සහ ලිංගික අතවර සම්බන්ධයෙන් වරදකරුව වසර 10කට වැඩි සිරදඬුවමක් ලැබූ පසු තවත් කාන්තාවන් හයදෙනකු ඔහුට එරෙහිව ලිංගික අපචාර චෝදනා ඉදිරිපත් කර තිබෙනවා.
The Times සහ Sunday Times පුවත්පත් කළ විමර්ශනයකදී Russell Brand නිසා කාන්තාවන් හයදෙනකු මුහුණදුන් අත්දැකීම් හෙළි කර තිබෙනවා. මෙම සිදුවීම් 2000 දශකයේ මුල් කාලයේ සිට 2015 දක්වා සිදුවීම් බව පැවසෙනවා. ප්රසංගවලින් පසුව, රසික හමුවීම්වලදී සහ විනෝදාස්වාද ක්ෂේත්රයට සම්බන්ධ අවස්ථාවලදී මේ කාන්තාවන්ට ඔහු මුණ ගැසී ඇති අතර ඔවුන් සිය කතා ප්රසිද්ධ කිරීමට තීරණය කර තිබෙන්නේ Brandට එරෙහි නඩු තීන්දුවෙන් පසුවයි.

Vicky නමින් හඳුන්වන කාන්තාවක් පවසන්නේ 2007 වසරේදී තමන්ට වයස අවුරුදු 19ක්ව තිබියදී Brand හමුවූ බවයි. මුලදී ඔහු සමඟ ඇති වූ සම්බන්ධතාවය තමන්ට සුරංගනා කතාවක් වැනි හැඟීමක් ඇති කළ බවත්, නමුත් පසුව ඇති වූ ලිංගික හමුවීම්වලදී තමන්ගේ කැමැත්ත නොසලකා ඔහු හැසිරුණු බවටත් ඇය චෝදනා කරනවා. එක් අවස්ථාවක ලිංගික සම්බන්ධතාවය නවත්වන ලෙස ඉල්ලා සිටියත් ඔහු ඒ ගැන තැකීමක් කර නැහැ.
Zoe නැමති කාන්තාව Brand සමඟ ඇති වූ හමුවීමක් ගැන විස්තර කර තිබෙනවා. ඇය පවසන්නේ හෝටල් කාමරයකදී තමන්ට අනවශ්ය ලිංගික හැසිරීමකට මුහුණ දීමට සිදුවූ බවයි. Alex නැමති කාන්තාව පවසන්නේ ඔහු සමඟ වසර කිහිපයක් අතරින් පතර පැවති සම්බන්ධතාවයකදී ඔහුගේ පාලනකාරී හැසිරීම්වලට මුහුණ දීමට සිදු වූ බවයි. ලිංගික සම්බන්ධතාවලදී ඔහු තමන්ගේ කැමැත්තට පටහැනිව හැසිරුණු බවටත් ඇය චෝදනා කරනවා. Rosie නැමති කාන්තාව ඉදිරිපත් කළ ප්රකාශයත් විශේෂ අවධානයට ලක්ව තිබෙනවා. ඇය පවසන්නේ ලිංගික සම්බන්ධතාවයකින් පසුව ඔහු විසින් ඉතා අවමන් සහගත ඉල්ලීමක් කළ බවයි. එය ප්රතික්ෂේප කිරීම නිසා ඔහු කෝපයට පත්වූ බවත් ඇය චෝදනා කරනවා. Louise නම් කාන්තාව ලන්ඩනයේ විනෝදාස්වාද ස්ථානයකදී ඔහු තමන්ව අල්ලාගෙන බලහත්කාරයෙන් ලිංගික හමුවකට යොමු කිරීමට උත්සාහ කළ බවට චෝදනා කර තිබෙනවා. මේ කාන්තාවන්ගේ ප්රකාශ එකිනෙකට වෙනස් වුවත්, ඔවුන් පෙන්වා දෙන්නේ ඔහු ජනප්රියත්වය සහ බලය භාවිත කරමින් කාන්තාවන් සමඟ හැසිරුණු ආකාරය අශෝභන බවයි.




