Forbes 30 Under 30 Asia 2025 – Forbes සඟරාව විසින් නම් කරන ලද ආසියාවේ වයස අවුරුදු 30 න් පහළ විශිෂ්ටයන් (Forbes 30 Under 30 Asia 2025) අතරට ශ්‍රී ලාංකිකයන් තිදෙනෙක් ඇතුලත් වී තිබෙනවා.
• නිකින් මාතරආරච්චි (Nikin Matharaarachchi)
සමාජ මාධ්‍ය, අලෙවිකරණය සහ ප්‍රචාරණය (Social Media Marketing & Advertising) කාණ්ඩයෙන් නිකින් මේ සඳහා ඇතුලත් වී තිබෙනවා. ඔහු 2021 දී Synapse Al Labs ඇරඹුවා. මෙය Al තාක්ෂණයෙන් ක්‍රියාත්මක වන සමාජ සවන්දීමේ මෙවලමක් වූ Komon poll සමග ක්‍රියාත්මක වන සමාගමක්. මෙමගින් ව්‍යාපාර සහ අලෙවිකරණය පිළිබඳව අවබෝධයක් ලබා දෙනවා.
• යානිකා අමරසේකර – සියගුණ (Yanika Amarasekara – Siyaguna)
විද්‍යුත් වාණිජ්‍ය කාණ්ඩයෙන් (Retail & Ecommerce) මේ සඳහා ඇතුලත් වී ඇති ඇය 2019 දී ශ්‍රී ලංකාවේ පළමු මාර්ගගත විවාහ ලියාපදිංචි කිරීමේ ආයතනය වන Silve Aisle ඇරඹුවා. එමගින් මංගල ත්‍යාග, භෝජන, උත්සව අවස්ථා සඳහා ත්‍යාග, නිවාඩු පැකේජ වැනි දේ ලබා ගැනීමට පුළුවන. 2023 වසරේදී ශ්‍රී ලංකාවේ විශාලතම මූල්‍ය සමාගමක් වන LB Finance හි අධ්‍යක්ෂකවරියක් ලෙස ඇයව පත් කළා.
• චරිත් එන් සිල්වා (Charith N Silva)
කලාව, විලාසිතා සහ කෑම බීම (The Arts – Art & Style, Food & Drink) අංශයෙන් ඇතුලත් වී ඇති චරිත් එන් සිල්වා 2020 කොවිඩ් වසංගත අවධියේදී Wild Cookbook යූටියුබ් චැනලය ඇරඹුවා. මේවන විට ශ්‍රී ලංකාවේ ජනප්‍රියම යූටියුබ් චැනලය වන Wild Cookbook මිලියන 10 කට අධික ග්‍රාහකයන් පිරිසක් සිටින යූටියුබ් චැනලයකි. චරිත් එන් සිල්වා 2024 නොවැම්බර් මසදී කොළඹ නගරයේ Wildish නමින් අවන්හලක් ද විවෘත කළා.
– Forbes ඇසුරිනි –
