Vegetable Chop Suey ගෙදරදීම වෙජිටබල් චොප්සියක් හදාගමු

Vegetable Chop Suey (වෙජිටබල් චොප්සි) රසවත් මෙන්ම පෝෂ්‍යදායී කෑමක්. චොප්සි, බත් සහ නූඩ්ලස් සමගත් කෑමට ගන්න පුළුවන්. 

අවශ්‍ය ද්‍රව්‍ය

• කැරට් අල 01
• අල ගෙඩි 01
• ගෝවා කැබැල්ලක්
• බෝංචි කරල් 05 / 06
• බට්න් මෂ්රූම් 05
• බේබි කෝර්න් ( baby corn ) 03
• වෙජිටබල් ස්ටොක් කෝප්ප භාගයක්
• සුදුලූණු පේස්ට් තේ හැඳි බාගයක්
• ඉඟුරු පේස්ට් තේ හැඳි බාගයක්
• කෝන්ෆලවර් මේස හැඳි 01
• ඔයිස්ටර් සෝස් මේස හැඳි 01
• සෝයා සෝස් මේස හැඳි 01
• ගම්මිරිස් කුඩු තේ හැඳි 01
• ලුණු
• සීනි තේ හැඳි 01
• පොල් තෙල් මේස හැඳි 03

සාදන ආකාරය.

එළවළු තරමක් ලොකුවට කපාන්න. කපාගත් එළවළු වෙන වෙනම තම්බා ගන්න. ඉන්පසු භාජනයක් ලිප තබා එයට තෙල් එක්කොට ඉඟුරු, සුදුලූණු බැද ගන්න. එයටම තම්බා ගත් එළවළු, සෝයා සෝස්, ඔයිස්ටර් සෝස්, එළවළු තම්බපු වතුර, ගම්මිරිස්, සීනි, ලුණු දමා කලවම් කර ගන්න. වතුර මේස හැඳි 4 ක් සමග කෝන්ෆලවර් මේස හැන්දක් දිය කර, මිශ්‍රණයට එක්කරන්න. හොඳින් කලවම් කර මිනිත්තු කිහිපයකින් ලිපෙන් ඉවත් කර ගන්න.