Menstruation – ඔසප් දවස් කියන්නෙ කාන්තාවන්ට තියෙන අපහසුම කාල සීමාවක්. ගැහැණු ළමයින්ගෙ පාසල් වැඩවලට පවා මේ හේතුවෙන් බාධා ඇති වෙනවා. අම්මෙක්, බිරිඳක්, රැකියාව කරන්නියක්, සිසුවියක් විදිහට ඇයට බැහැ ඔසප් දින නිසා වැඩ අතපසු කරගන්න. මේ අසීරු දවස්වල සුව පහසුවෙන් ඉන්නෙත් වෙනද වගේ වැඩ කරන්නෙත් කොහොමද? ඔසප් දිනවල විශේෂයෙන් සැලකිළිමත් වෙන්න ඕනෙ දේවල් තියෙනවා.
• සුවපහසුව
ඔසප් නිෂ්පාදන නිවැරදිව පාවිච්චි කරන්න.
ඔබට සුවපහසුවක් ගෙනත් දෙන Pad හෝ Tampons පාවිච්චි කරන්න. පැය 4 – 5 ක් අතර කාලයක් තුළ ඒවා මාරු කරන්න. මේ දේවල් පාවිච්චියට පෙර හොඳින් දෑත් පිරිසිඳු කරගන්න.
• පිරිසිදුව සිටින්න.
සුවපහසු යට ඇඳුම් ඇඳීම සහ දිනපතා ස්නානය වැදගත්. යෝනි ප්රදේශය සේදීම සඳහා මෘදු සබන් වර්ගයක් භාවිතා කරන්න.
• වේදනාව අඩු කිරීමට.
මද උණුසුම් ජල බෝතලයක් උදරය මත තැබීම, පැරසිටමෝල් භාවිතය සහ සිරුර සැහැල්ලු කිරීමේ ව්යායාම වලින් ඔසප් වේදනාව අවම කරගන්න පුලුවන්.
• පෝෂ්යදායක ආහාර ගන්න.
ක්ෂණික ආහාර වලින් ඈත්ව නිවසේ සැකසූ පෝෂ්යදායක ආහාරයක් ගන්න. වැඩිපුර වතුර බොන්න. ආතතිය අවම කිරීමට Dark Chocolate මේ දිනවලට සුදුසුම කෑමක්.
• හැකිතරම් විවේකීව සිටින්න.
හොඳ නින්දක් (පැය 6 – 8) ලබාගන්න. මේ දිනවලට ආතතිය ඇති වීම, කේන්තිය සාමාන්යයි. ඔබ කැමති දෙයක් කරමින් හැකිතරම් සන්සුන්ව සිටින්න උත්සාහ ගන්න.
