Skin Care – සමේ සුන්දරත්වය සඳහා බාහිර ආලේපන පමණක් ප්රමාණවත් නැහැ. ඔබ ගන්නා ආහාර පාන වර්ගත් සුන්දර සමක් සඳහා බලපානවා. හැම උදෑසනකම ඔබ පානය කරන දේවල් වලට පුළුවන් නිරෝගී දීප්තිමත් සමක් ලබා දෙන්න. ඒ සඳහා හොඳම බීම වර්ග කිහිපයක් තමයි මේ.
• ලෙමන්
ලෙමන්, දවස පටන් ගන්න හොඳම බීමක්. ශරීරයේ විෂ ඉවත් කිරීමට, pH මට්ටම සමතුලිත කිරීමට සහ විටමින් C වලින් පොහොසත් නිසා සමේ කොලජන් නිෂ්පාදනය වැඩි දියුණු කරනවා. ලප කැලැල් වලින් තොර දීප්තිමත් සමක් සඳහා හොඳම දෙයක්. මද උණුසුම් වතුර වීදුරුවකට ලෙමන් ගෙඩි භාගයක් මිරිකා සෑම උදෑසනකම හිස් බඩ පානය කරන්න.
• කහ
කහ වලින් සමට රන්වන් පැහැයක් ලබා දෙනවා. සම පැහැපත් කිරීමටත්, බැක්ටීරියා අවම කර කුරුලෑ පාලනය කිරීමටත් එය උපකාරී වෙනවා. උණුසුම් වතුර වීදුරුවකට හෝ කිරි වීදුරුවකට කහ කුඩු තේ හැන්දක් මිශ්ර කර උදෑසනට පානය කරන්න. අවශ්ය නම් මී පැණි ස්වල්පයක් එක් කරන්නත් පුළුවන්.
• බීට්රූට් යුෂ
බීට්රූට් ස්වාභාවික රුධිර පවිත්රකාරකයක්. විටමින් C, යකඩ සහ ෆෝලේට් අඩංගුයි. රෝස පැහැති, සෞඛ්ය සම්පන්න සමක් ලබා ගැනීම සඳහා සුදුසුම බීමක්. අවශ්ය නම් මෙයට ඇපල් ගෙඩියක් එක් කරන්නත් පුළුවන්.
• පොල් වතුර
සොබාදහමේ හොඳම තෑග්ගක්. පොටෑසියම් සහ ප්රතිඔක්සිකාරක වලින් පොහොසත් බැවින් දවස පුරා ඔබේ සමේ මෘදු බව සහ තෙතමනය සුරකිනවා. විෂ ද්රව්ය ඉවත් කර සමට පිරිසිදු, නැවුම් පෙනුමක් ලබා දෙනවා.
• කැරට් සහ තැඹිලි යුෂ
විටමින් A සහ C මිශ්රණයක් වන මෙම බීම එක කොලජන් නිෂ්පාදනයට දායක වෙනවා. සමේ පටක අලුත්වැඩියා කිරීමටත් උපකාරී වන අතර නිරෝගී දීප්තිමත් සමක් ලබා දෙනවා. සම රැළි වැටීම අවම කරනවා.
