Shave කරනවද? Wax කරනවද?
සිරුරේ අනවශ්ය රෝම ඔබේ පෙනුමට අවලස්සනක් ගෙන එනවා. අත් රහිත හෝ කෙටි ඇඳුම් ඇඳීමේදී අනිවාර්යයෙන්ම දෙපා, අත් යට අනවශ්ය රෝම ඉවත් කරන්නම ඕනේ. ගොඩක් කාන්තාවො අනවශ්ය රෝම ඉවත් කරන්නෙ ෂේව් කිරීමෙන්. ෂේව් කරන එක වැක්ස් කිරීමට වඩා ලේසියි කියලයි ගොඩක් අය කියන්නෙ. ඇත්තටම මේ දෙකෙන් හොඳම ක්රමය මොකක්ද? (Shaving or Waxing?)
Shaving සහ Waxing කියන මේ ක්රම දෙකෙන්ම කරන්නෙ අනවශ්ය රෝම ඉවත් කරලා සම සුමුදුව, ලස්සනට තියා ගැනීම. ෂේව් කිරීමේදී අපි razor එකක් use කරලා අනවශ්ය රෝම ඉවත් කරත් සමට යටින් root එක ඒ කියන්නෙ කෙස්ගහේ මුල ඒ විදිහටම තියෙනවා. නමුත් වැක්ස් කරද්දි roots ඉතුරු නොවී සම්පූර්ණයෙන්ම රෝම ඉවත් වෙනවා.
• ඇයි ගොඩක් අය ෂේව් කරන්න කැමති?
මේකට ප්රධානම හේතුව තමයි පහසුව. razor එකක් පහසු මිලකට මිලදී ගන්න පුලුවන් වගේම නාන වෙලාවෙදිම මිනිත්තු කිහිපයකින් අනවශ්ය රෝම ඉවත් කර ගන්න පුළුවන්. ඒ වගේම වැක්ස් කරද්දි වගේ වේදනාවක් දැනෙන්නෙත් නැහැ.
• ෂේව් කිරීමේ අවාසි
* නැවත ඉක්මනින් රෝම වැවීම.
* සම මතුපිට බිබිළි, ගැටිති ආදිය ඇති වෙන්නත් පුළුවන්.
නමුත් මේ අපහසුතා ගැන හිතන්නෙ නැතිවම ගොඩක් කාන්තාවො ෂේව් කිරීම එදිනෙදා සිදුකරන රූපලාවන්ය පුරුද්දක් කරගෙන තියෙනවා.
• Wax කරන එක හොඳයි කියන්නෙ ඇයි?
වැක්ස් කිරීම තරමක් කරදරකාරී වුණත් රෝම සම්පූර්ණයෙන් ඉවත්වෙන නිසා ෂේව් කරනවට වඩා සමට සුමුදු බවක්, දිදුලන පෙනුමක් ලබා ගන්න පුළුවන් වගේම සති 3 – 4 ක් යන තුරු රෝම වැවෙන්නෙත් නැහැ. ආයෙ ආයෙම වැක්ස් කරනකොට රෝම පෙරට වඩා තුනියට වැවෙන්න ගන්නවා. ඒ වගේම වැක්ස් කරනකොට ඔබේ සමේ මැරුණු සෛලත් ඉවත් වෙන නිසා සමට නැවුම් පෙනුමක් ලැබෙනවා. සති ගාණක් රෝම නොවැවී සම තියාගන්න ඕනෙනම් වැක්ස් තමයි හොඳම උත්තරේ.
• Wax කිරීමේ අවාසි
* වේදනාකාරී වීම.
* සම රතු පැහැයට හැරීම, දැවිල්ල ඇතිවීම. (මේවා සුවපත් කිරීමට ක්රීම් එකක් use කරන්න පුළුවන්)
* වැඩි කාලයක් සහ වියදමක් වැය වීම.
• Wax කරන්න කලින් දැන ගන්න ඕනෙ දේවල්
* රෝම අඟලක් පමණ දිගටවත් වැවී තිබිය යුතුයි.
* මුහුණ wax කිරීමේදී ඔබ විශේෂයෙන් allergies ගැන සැළකිලිමත් විය යුතුයි. (ඔබ ආලේපනවලට ආසාත්මිකතාවක් දක්වනවා නම් ඒ ගැන රූපලාවන්ය ශිල්පියාව දැනුවත් කරන්න.)
• අනවශ්ය රෝම ඉවත් කරන්න කලින් මේ ගැන හිතන්න. ඔබ ෂේව් කළත්, වැක්ස් කළත් මේ දේවල් අනිවාර්යයි.
* නිතර නිතර අනවශ්ය රෝම ඉවත් කරන්න නොයා කාල පරතරයක් තියා ගන්න.
* අව්වට පිළිස්සුණු සම, තුවාල වූ තැන්, කුරුලෑ මතුපිට, ඉන්නන් මතුපිට රෝම ඉවත් කරන්න යන්න එපා. එහෙම කරොත් කුරුලෑ, ඉන්නන් තවත් වැඩිවීම සිද්ධ වෙන්න පුළුවන්.
