Healthy Hair – සුන්දර කෙස් කළඹක් හැම කාන්තාවකගේම සිහිනයක්. හිසකෙස් සම්බන්ධ ගැටළු මේ වන විට බහුලව දකින්න ලැබෙනවා. හිසකෙස් සඳහා විවිධ විලාසිතා සිදුකිරීම (වර්ණ ගැන්වීම වැනි), කෙස් කළඹට අවශ්ය පෝෂණය ලබා නොදීම වැනි කාරණා මෙයට බලපානවා. නිරෝගී කෙස් කළඹක් සඳහා නිවසේදීම සිදුකළ හැකි සත්කාර කිහිපයක් මේ.
• යෝගට් සහ මී පැණි
මෙමගින් හිසකෙස් පෝෂණය කරමින් වර්ධනය වේගවත් කරනවා. යෝගට් මේස හැඳි 3කට මීපැණි මේස හැන්දක් දමා සකසා ගත් පේස්ට් එක හිස්කබලේ සහ හිසකෙස් මත ආලේප කරන්න. මිනිත්තු 30 කට පසු, මෘදු ෂැම්පූ එකකින් සෝදාහරින්න.
• කෝමාරිකා සහ පොල්තෙල්
හිසකෙස්වලට අවශ්ය පෝෂණය සහ දිදුලන බවක් ලබා දෙන අතර වියළි ස්වභාවයද නැතිකරනවා. කෝමාරිකා ජෙල් සහ පොල්තෙල් තේ හැන්දක් සමග මිශ්ර කර හිසකෙස්වල ගල්වා සම්බාහනය කරන්න.
• කෙසෙල් සහ ඔලිව් තෙල් මාස්ක්
මෙමගින් හිසකෙස් පෝෂණය කරයි. ඉදුණු කෙසෙල් ගෙඩියක් සහ ඔලිව් තෙල් මේස හැඳි දෙකක් මිශ්ර කර, පේස්ට් එකකට පොඩි කර, පසුව ඔලිව් තෙල් මිශ්ර කරන්න. හිසකෙස් මත හොඳින් ඒකාකාරව ආලේප කරන්න. මිනිත්තු 30 කින් පමණ මෘදු ෂැම්පු වර්ගයක් භාවිතයෙන් සෝදා හරින්න.
