කවුරුත් කැමති අතුරුපසක් සව් පුඩිං
ලේසියෙන්ම හදා ගන්න පුලුවන්, කවුරුත් කැමති අතුරුපසක් තමයි සව් පුඩිං කියන්නෙ. මේක හරිම රස ක්‍රීමි පුඩිං එකක්. අමුත්තන්ට සංග්‍රහ කරන්නත් කදිමයි. සව් කියන්නෙ පිෂ්ඨය බහුල කෑමක්. ඒ වගේම සිරුරේ උෂ්ණ ගතිය සමනය කරන්නත් හොඳයි. වැඩි වියදමක් නැතුව කුස්සියේ තියෙන දේවල්වලින් සව් පුඩිං එක හදාගන්නෙ කොහොමද බලමු.
• අවශ්‍ය ද්‍රව්‍ය
සව් 100 g
රුලං 100 g
උකු පොල්කිරි කෝප්ප 3
කෝන්ෆ්ලා කෝප්ප 1/2
සීනි කෝප්ප 1/2
රස අනුව ලුණු
මෝල්ඩ් එකේ තැවරීමට බටර් ස්වල්පයක්
• සාදන ආකාරය
මුලින්ම පොල්කිරි කෝප්ප 3න් කාලක් විතර වෙන් කරගන්න. එයට කෝන්ෆ්ලා කෝප්ප භාගය එකතු කරලා හොඳට දියකර ගන්න. කෝන්ෆ්ලා කිරිවලට එකතු කරාට පස්සෙ ගැටිති නොතිබෙන ආකාරයට මිශ්‍ර කර ගන්න. දැන් ඉතිරි පොල්කිරි ටික භාජනයකට දාලා මද ගින්නෙන් රත් කරන්න. ඒක රත්වෙනකොට සව් සහ රුලං එකතු කරන්න. ඊළඟට රස අනුව ලුණු සහ සීනි එකතු කරලා හොඳට හැඳි ගාමින් කවලම් කර ගන්න.
