චයිනීස් ක්‍රමේට කංකු චිකන් ෆ්‍රයිඩ් රයිස් – Kankun Chicken Fried Rice
කංකු චිකන් ෆ්‍රයිඩ් රයිස් ගොඩක් අය කන්න ආසම කෑමක්. මේක චයිනීස් රෙස්ටුරන්ට්වල හරිම ප්‍රසිද්ධයි. හැමදාම එකම විදිහට හදන ෆ්‍රයිඩ් රයිස් එක වෙනුවට කංකු සහ චිකන් එකතු කරලා හදන මේ ෆ්‍රයිඩ් රයිස් එක කෑම මේසෙට වෙනසක් ගෙනත් දෙනවා. උත්සව අවස්ථාවලටත් අපූරුයි. ඉතිං රෙස්ටුරන්ට් රසට ගෙදරදීම කංකුං චිකන් ෆ්‍රයිඩ් රයිස් එකක් හදාගන්නෙ කොහොමද බලමු.
අවශ්‍ය ද්‍රව්‍ය (හතර දෙනෙක් සඳහා)
• බත් කෝප්ප 3–4 ක් (ඇලෙන්නෙ නැති සහල් වර්ගයක් තෝරා ගන්න)
• චිකන් බ්‍රෙස්ට් 300–350g (පොඩියට කොටු කපාගන්න )
• කංකු කොළ (කොළ සහ කඳන් වෙන වෙනම කඩාගන්න)
• බී ළූණු ගෙඩියක් 
• සුදු ළූණු බික් 3 – 4 ක්
• කරාබුනැටි 2–3 (අඹරාගන්න)
• ඉඟුරු පේස්ට් තේ හැන්දක්
• පොඩියට කපා ගත් කැරට් අලයක්
• ලීක්ස් කෝප්ප ½ ක්
• අමු මිරිස් කරල් 2 – 3 ක්
• කරපිංචා ඉත්තක්
• බිත්තර 2–3 ක්
• සෝයා සෝස් මේස හැන්දක්
• ඔයිස්ටර් සෝස් මේස හැන්දක්
• ගම්මිරිස් තේ හැඳි ½ ක්
• රස අනුව ලුණු
• මිරිස් කෑලි තේ හැන්දක්
• පොල් තෙල් තේ හැඳි 2 – 3 ක්
සාදන ක්‍රමය
කුකුල් මස් කැට ටිකට ලුණු, ගම්මිරිස් සහ සෝයා සෝස් ස්වල්පයක් එකතු කර marinate කරගන්න. තරමක් ලොකු බඳුනක් මද ගින්නේ රත්කර පොල්තෙල් එකතු කර කුකුල් මස් ටික රන්වන් පැහැ වෙනතුරු බැද ගන්න.
කුකුල් මස් ටික ලිපෙන් බාගෙන පසෙකින් තබා සුදු ළූණු, ඉඟුරු, කරපිංචා, අමු මිරිස් සහ බී ළූණු ටික බැදගන්න. දැන් මෙයට කැරට්, ලීක්ස් සහ කංකු කඳන් එකතු කර විනාඩියක් දෙකක් බැදගන්න. මීළඟට බිත්තර ද එකතු කර සියල්ල හොඳට මිශ්‍ර කර ගන්න.
