නැවුම් දොඩම් රසැති ඔරේන්ජ් කේක්

නැවුම් දොඩම් රසැති – Orange Cake

නැවුම් දොඩම් රස මේ ඔරේන්ජ් කේක් එක ලෙහෙසියෙන්ම ගෙදරදිම හදා ගන්න පුළුවන්. රස වගේම තේ මේසෙට ලස්සන වෙනසකට ගැළපෙනම දෙයක් තමයි ඔරේන්ජ් කේක් කියන්නෙ. මේකෙ special ම දේ තමයි ස්වභාවික දොඩම් රසය. 

• අවශ්‍ය ද්‍රව්‍ය

Cake Batter එකට

•පිටි කෝප්ප 2

•ලුණු තේ හැඳි ½

•බේකින් පවුඩර් තේ හැඳි 3

•සීනි කෝප්ප 1 ½ (කුඩුකරගත්)

•කිරි කෝප්ප ½

•නැවුම් orange juice කෝප්ප ½

•එළවළු තෙල් කෝප්ප ½

•බිත්තර 3 ( බීට් කරගන්න)

•කුඩුකර ගත් දොඩම් ලෙලි තේ හැඳි 1 ½

Orange Butter Frosting වලට

•බටර් මේස හැඳි 6

•Icing sugar කෝප්ප 2

•orange juice මේස හැඳි 2

•වැනිලා තේ හැඳි 1

•කුඩු කරගත් දොඩම් ලෙලි තේ හැඳි 1

සාදන ආකාරය

• අවන් එක 175°C (350°F) ට Preheat කරන්න. පෙර රත් කරන්න. අඟල් 8 ක round cake pan දෙකක් තෙල් හෝ බටර් ආලේප කර, පාන් පිටි ඉහල තියා ගන්න. කිරි, orange juice, එළවළු තෙල්, බීට් කරගත් බිත්තර, දොඩම් ලෙලි කුඩු එකට දමා බ්ලෙන්ඩ් කර ගන්න. ඊට පස්සෙ බඳුනකට පාන් පිටි, ලුණු, බේකිං පවුඩර් සහ සීනි එකතු කර කැට ගතිය නැතිවෙන තුරු හොඳට කවලම් කර ගන්න. මෙයට බීට් කර ගත් ඔරෙන්ජ් ජූස් මිශ්‍රණය එකතු කර අතේ ඇලෙන්නෙ නැති පදමට බැටර් එක හදා ගන්න.

• බැටර් එක බඳුන්වල අතුරා preheat කෙරුව අවන් එකේ විනාඩි තිස් පහක් පමණ බේක් කර ගන්න. අවන් එකෙන් ඉවත් කරලා කේක් එක හොඳට නිවෙන්න තියන්න. Orange Butter Frosting එක සැකසීම සඳහා බටර් බීට් කරන ගමන් එයට icing sugar, orange juice, වැනිලා සහ දොඩම් ලෙලිත් එකතු කරලා ක්‍රීම් ගතියට බීට් කර ගන්න. සාමාන්‍යයෙන් මේ Frosting cream එකේ තද ගතියක් තියෙනවා. දැන් හොඳට නිවුණ කේක් එක frosting cream වලින් සරසා ගන්න.