තේ වෙලාවට චොක්ලට් ස්විස් රෝල්

තේ වෙලාවට – Chocolate Swiss Roll

තේ වෙලාවට ගැළපෙනම දෙයක් තමයි ස්විස් රෝල් කියන්නෙ. රසම රස චොක්ලට් ස්විස් රෝල් එකක් ගෙදරදීම හදාගන්න විදිහ තමයි මේ. 

• අවශ්‍ය ද්‍රව්‍ය

පිටි 55g

බිත්තර හතරක්

කොකෝවා පවුඩර් මේස හැඳි 2

බේකින් පවුඩර් තේ හැන්දක්

සීනි 85g (blender කර ගන්න)

වැනිලා තේ හැන්දක්

• බටර් අයිසින් එකට

බටර් 50g

අයිසින් සීනි 100g

කොකෝවා පවුඩර් මේස හැන්දක්

• සාදන ආකාරය

බිත්තර සුදු මද ,කහ මද වෙන් කර ගන්න. පිටි, බේකින් පවුඩර්, කොකෝවා පවුඩර් හලා ගන්න. මීළඟට බිත්තර සුදු මද ටික බඳුනකට දමා සීනි වලින් කොටසක් එකතු කර හොඳින් බීට් කර ගන්න. මේ විදිහට කහමද ටිකත් සීනි දමා වෙනම බීට් කර ගන්න. ඊට පස්සෙ බීට් කරගත් කහමද එකට සුදු මද එක එකතු කරන්න. දැන් එයට හලාගත් පිටි, බේකින් පවුඩර්, කොකෝවා පවුඩර් එකතු කර හොඳට කලවම් කර ගන්න. වැනිලා තේ හැන්ඳත් එකතු කරන්න. මිශ්‍රණය තුනී layer එකක් එන විදිහට tray එකකට දමා 180°C preheat අවන් එකේ විනාඩි 12 ක් විතර බේක් කර ගන්න.

Oven එකෙන් එලියට ගත් කේක් එක kitchen towel එකක් මතට දමා කිචන් ටවල් එකත් එක්කම රෝල් කර නිවෙන්න තබන්න. බටර් අයිසින් එක හදා ගැනීමට කේක් එක නිවෙන අතරේ, බඳුනකට බටර් ටික දමා බීට් කරන්න. ඉන් පසු එයට අයිසින් සීනි සහ කොකෝවා පවුඩර් දමා නැවත වතාවක් බීට් කරන්න. කේක් එක හොඳට නිවුනට පස්සෙ නැවත දිග හැර, කේක් එකේ මැද පිහියකින් හෝ ස්පැතියුලා එකකින් බටර් අයිසින් ගාලා නැවත රෝල් කරන්න. ශීතකරණයේ පැයක් දෙකක් තබා චොක්ලට් ස්විස් රෝල් රස විඳින්න.