Meatball Curry – මීට් බෝල් කරිය ලොකු කුඩා කවුරුත් ප්‍රියකරන රසවත් කෑමක්. විනාඩි තිහකින් සකසා ගත හැකියි. බත්, කිරිබත් සහ නූඩ්ලස් සමග ආහාරයට ගැනීමට පුළුවන්.
අවශ්‍ය ද්‍රව්‍ය 
• මීට් බෝල්ස් 500g
• ඉඟුරු – සුදුලූණු පේස්ට් මේස හැඳි 1
• දුරුකුඩු මේස හැඳි 1
• කොත්තමල්ලි කුඩු මේස හැඳි 2
• මිරිස් කුඩු මේස හැඳි 2
• ලුණු
• පොල්තෙල් මේස හැඳි 5
• කරපිංචා
• සිහින්ව කපාගත් සුදුලූණු
• කරාබුනැටි 3
• ලොකුළූණු ගෙඩි 1
• තක්කාලි ගෙඩි 2
• අමුමිරිස් කරල් 2 (දිග අතට කපාගත්)
• පොල්කිරි කෝප්ප 1
සාදන ආකාරය
මීට්බෝල්ස් බඳුනකට දමා ශීත ගතිය ඉවත්වන්නට හැර එයට ඉඟුරු – සුදුලූණු පේස්ට් එක, දුරු කුඩු සහ කොත්තමල්ලි කුඩු, මිරිස් කුඩු සහ ලුණු එකතු කර හොඳින් මිශ්‍ර කරන්න. විනාඩි 10 ක් පමණ තිබෙන්නට හරින්න. බඳුනක් ලිප තබා එයට තෙල් එක්කර, කරපිංචා, සිහින්ව කැපූ සුදු ලූණු , කපාගත් ලූණු, තක්කාලි, අමුමිරිස් එක්කරන්න. මෘදුවන තුරු තෙම්පරාදු කරගන්න. දැන් එයට මීට්බෝල්ස් එක්කරන්න. මද ගින්නේ විනාඩි 4 -5 ක් පිසීමෙන් පසුව පොල්කිරි එක්කර විනාඩි 10 -15 ක් පමණ පිස ගන්න. රස අනුව ලුණු එක්කරන්න.
