අපේ රටට ආවේණික බ්ලැක් පෝක් කරි – Black Pork Curry
බ්ලැක් පෝක් කරි කියන්නෙ අපේ රටට ආවේණික ගොඩක් අය කන්න ආස කෑමකට. බත්, රොටි, ඉඳි ආප්ප වගේ ඕනෙම කෑමක් එක්ක ගැළපෙන බ්ලැක් පෝක් කරිය කටට රහට ගෙදරදිම හදාගන්නෙ කොහොමද බලමු.
අවශ්‍ය ද්‍රව්‍ය
පෝක් 1.3 – 1.5 kg
ගොරකා කෑලි 5–6ක්
උණු වතුර කෝප්ප ¼ක්
සුදුළූණු බික් 6ක් 
ඉඟුරු අඟල් 2ක කෑල්ලක්
කරපිංචා අතු 2–3ක්
රම්පේ
ලොකු ළූණු ගෙඩියක් (සිහින්ව කපාගත්)
කුරුඳු කෑලි 2–3ක්
එනසාල් කරල් 5–6ක්
කරාබුනැටි 5–6ක්
ගම්මිරිස් ඇට තේ හැඳි 1ක්
බැදපු තුනපහ තේ හැඳි 4ක්
බැදපු මිරිස් කුඩු තේ හැඳි 1ක්
ලුණු රස අනුව
පොල් තෙල් මේස හැඳි 2ක්
වතුර කෝප්ප 1ක්
සාදන ක්‍රමය
මුලින්ම ගොරකා කෑලි ටික උණු වතුරේ විනාඩි 15ක් විතර පොඟවලා තද ගතිය නැති කරගෙන බ්ලෙන්ඩර් එකට දාලා පේස්ට් එකක් හදාගන්න. එනසාල්, කරාබුනැටි සහ ගම්මිරිස් හොඳට කුඩු කරගෙන ඒකට සුදුළූණු, ඉඟුරු සහ කරපිංචා එකතු කරලා පේස්ට් එකක් වෙන්න අඹර ගන්න. දැන් පෝක් ටික මැරිනේට් කරගමු. පිරිසිඳු කර ගත් පෝක් ටිකට ගොරකා පේස්ට් එක කුළුබඩු පේස්ට් එක සහ ලුණු එකතු කරලා හොඳට මිශ්‍ර කරගන්න. පෝක් ටික විනාඩි 30 ක් වත් මැරිනේට් කර ගන්න. (ගොඩක් වෙලා මැරිනේට් වුනාම කරි එකේ රසය වැඩි වෙනවා)
