හදවත් රෝගවලට ඖෂධයක් – නෙළුම් අල කරිය
නෙළුම් අල කියන්නෙ රස වගේම පෝෂණ ගුණයෙන් ඉහළ කෑමක්. විටමින් C, B, තන්තු, පොටෑසියම් සහ ප්‍රතිඔක්සිකාරක බහුල නෙළුම් අල ආහාර ජීර්ණය පහසු කිරීමට, සිරුරේ ප්‍රතිශක්තිය වර්ධනය කිරීමට සහ හෘද සෞඛ්‍යය වර්ධනය කිරීමට උපකාරී වෙනවා. පහසුවෙන්ම නෙළුම් අල කරියක් හදාගන්න හැටි බලමු.
• අවශ්‍ය ද්‍රව්‍ය
නෙළුම් අල 200g
ලුණු තේ හැඳි 1ක්
විනාකිරි තේ හැඳි 1ක්
අබ ඇට තේ හැඳි ¼ක්
උළුහාල් ඇට කිහිපයක්
වියළි මිරිස් කරල් 5ක්
කරපිංචා ඉත්තක්
සිහින්ව කපාගත් ලූනු කෝප්ප ¼ක්
සුදුලූනු බික් 2ක්
ගොරකා කැබැල්ලක්
තුනපහ කුඩු තේ හැඳි 1ක්
මිරිස් කුඩු තේ හැඳි 1ක්
කහ කුඩු තේ හැඳි ¼ක්
දියකිරි කෝප්ප 1ක්
මිටිකිරි කෝප්ප ¾ක්
පොල්තෙල් තේ හැඳි 2ක්
රස අනුව ලුණු
• සාදන ක්‍රමය
නෙළුම් අලයේ දෙපස කපලා ඉවත් කර හොඳට සෝද ගන්න. නෙළුම් අලවල ඇතුලෙත් මඩ තියෙන්න පුළුවන් නිසා හොඳට සෝද ගැනීම වැදගත්. ඊට පස්සෙ පිට පොත්ත ඉවත් කර ගෙන සිහින්ව පෙති කපා ගන්න. දැන් භාජනයකට ලුණු සහ විනාකිරි ටිකක් එකතු කරලා කපාගත් නෙළුම් අල ටික දාලා ටික වෙලාවක් තියෙන්න ඇරලා වතුර ටික මිරිකගන්න.
