Creamy ගතියට කජු මාළුවක්

Creamy ගතියට කජු මාළුවක්

රසයෙන් වගේම ගුණෙනුත් ඉහළ කජු මාළුව රසට හදාගන්නෙ කොහොමද බලමු. Creamy ගතියට රසට හදන කජු මාළුව බත්, ඉඳි ආප්ප, පිට්ටු වගේ කෑමත් එක්ක කන්න පුළුවන්. 

• අවශ්‍ය ද්‍රව්‍ය

කජු 500g ක්

තුන පහ කුඩු තේ හැඳි 02 ක්

කරපිංචා

රම්පෙ

උළු හාල් ස්වල්පයක්

සුදු ළුණු බික් 6,7 ක්

ලොකු ලූණු ගෙඩියක්

කහ කුඩු තේ හැඳි 01

කුරුඳු කැබැල්ලක්

අමු මිරිස් කරල් 05 ක්

උකු පොල් කිරි කෝප්ප 02 ක්

ලුණු ස්වල්පයක්

අබ තේ හැඳි 01ක්

මාගරින් තේ හැඳි 1/2 ක්

• සාදන ආකාරය

කජු ටික කපාගෙන එයට වතුර දමා පැය 04ක් 05ක් පමණ පෙඟෙන්න තියන්න. ඉන්පසු පොතු අයින් කර ගන්න. බඳුනකට කජු ටික දමා තුනපහ කුඩු, උළු හාල්, කහ කුඩු, ලුණු එක් කරන්න. දැන් කුරුදු, රම්පේ, කරපිංචා සහ සිහින්ව ලියාගත් ලූණු එක් කරන්න. ඉන්පසුව කජු ටික වැහෙන මට්ටමට වතුර එකතු කර මිශ්‍ර කර ලිප තබා, කජු ටික තැම්බෙන තුරු හොඳින් පිසගන්න. එයට තලා ගත් සුදු ලූණු, අඹරා ගත් අබ සහ මාගරින් ටික එකතු කරන්න. මීළඟට පොල් කිරි සහ කපාගත් අමු මිරිස් එකතු කර, කජු ටික නොකැඩෙන සේ හැඳි ගාමින් උතුරන තුරු පිස ගන්න.