කාලයේ තාලයට පළඳින්න Bohemian Jewelry
Boho (Bohemian) Jewelry දැන් දැන් හරිම ජනප්රියයි. විදෙස් රටවල නම් මේවාට ලොකු ඉල්ලුමක් තිබෙනවා. පරිසරයට හිතකර විදිහට හදලා තියෙන මේ ආභරණ ලී, කාබනික ද්රව්ය , ලෝහ, පිහාටු වගේ දේවල්වලින් විවිධාකාර මෝස්තර ගොඩකින් හදලා තියෙන අතර ඔබේ පෙනුමට වෙනස්ම සුන්දරත්වයක් ගෙනත් දෙනවා. සාමාන්යෙන් මේ ආභරණ මාල කිහිපයක්, මුදු කිහිපයක්, එහෙම නැත්තම් වළලු ගොඩක් විදිහටයි පළඳින්නෙ.
• Boho Jewelry වර්ග
° මාල (Necklaces)
පටවල් කිහිපයක් තියෙන මේ මාල පබළු, සමහරවිට මැණික් වගේ වටින දේවල්, ස්වභාවික කෙඳි,නූල් වර්ග භාවිතයෙන් නිර්මාණය කරනවා.
° වළලු (Bracelets)
මේ වළලු එකක් දෙකක් නොවේ ගොඩක් පළඳිනවා.
° කරාබු (Earrings)
stud earrings, long earrings, ear cuffs කියන වර්ගවල කරාබු මීට අයත් වෙනවා.
° මුදු (Rings)
විවිධ ලෝහයන්ගෙන් තැනූ, විවිධ තේරුම් රැගත් සහ සම්ප්රදායික මුදු වර්ග මේ අතරට අයත්.
° වෙනත් ආභරණ
Anklets සහ බඳවටා දමන belly chains ද Bohemian Jewelry වලට කැමති අය අතරේ ජනප්රියම දෙයක්.
