පළාත් සභා ඡන්දය පැවැත්වීමට බල කෙරේ

පළාත් සභා ඡන්දය පැවැත්වීමට බල කෙරේ

පළාත් සභා මැතිවරණය හැකි ඉක්මනින් පවත්වන ලෙස දෙමළ දේශපාලන පක්ෂ හයක නායකයෝ රජයෙන් ඉල්ලීමක් කර ඇත. ඒ අනුව සමස්ත ලංකා මහජන කොංග්‍රසය, ලංකා කම්කරු කොංග්‍රසය, ප්‍රජාතන්ත්‍රවාදී දෙමළ ජාතික සන්ධානය , ඉලංගෙයි තමිල්  අරුසු කච්චි , ශ්‍රී ලංකා මුස්ලිම් කොංග්‍රසය සහ දෙමළ ප්‍රගතිශීලී සන්ධානය යන දේශපාලන පක්ෂවල නායකයෝ මෙම ඉල්ලීම කරති. පළාත් සභා මැතිවරණය කිසිදු ප්‍රමාදයකින් තොරව පවත්වන ලෙස දෙමළ දේශපාලන පක්ෂ රැසක් මෙලෙස ඉල්ලීමක් කරන ප්‍රථම අවස්ථාව මෙය වේ.

බලයට පත්වී වසරක් තුළ පළාත් සභා මැතිවරණය පවත්වන බවට ජාතික ජන බලවේගය පොරොන්දු වී තිබුණද මේ දක්වාම එය ඉටුකර නැති බව දෙමළ පක්ෂ නියෝජිතයෝ සඳහන් කරති.
මේ සම්බන්ධයෙන් කළ විමසුමකදී අදහස් දැක්වූ හිටපු පාර්ලිමේන්තු මන්ත්‍රී එම්. ඒ. සුමන්තිරන් පැවසූයේ පළාත් සභා මැතිවරණය පැවැත්වීම, සුළුතරය හා සම්බන්ධ ගැටලු සංවාදයෙන් විසඳීම, නව ආණ්ඩු ක්‍රම ව්‍යවස්ථාවක් බලාත්මක කිරීම, සියලු ප්‍රජාවට බලපාන ඉඩම් ආශ්‍රිත ප්‍රශ්න නිරාකරණය කිරීම ඇතුළු ප්‍රධාන ක්ෂේත්‍ර හතරක් සම්බන්ධයෙන් සියලු දේශපාලන පක්ෂ පොදු මතයකට පැමිණි ඇති බවයි.

✍️ ධාරා අබේනායක විසිනි.