කෝටි පහක කුෂ් එක්ක ඉන්දියානුවෙක් අල්ලයි
රුපියල් කෝටි පහකට වඩා වැඩි වටිනාකමකින් යුත් කුෂ් මත්ද්‍රව්‍ය තොගයක් මෙරටට රැගෙන විත්, ඒවා කටුනායක ගුවන් තොටුපොළ හරිත මාවත ඔස්සේ පිට කරගැනීමට තැත් කළ විදේශීය ගුවන් මගියෙකු රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත්අඩංගුවට ගෙන තිබේ. මොහු 24 හැවිරිදි වියේ පසුවන ඉන්දීය ජාතිකයෙකු වන අතර එරට දුරකථන අලුත්වැඩියාකරුවෙකු ලෙස සේවය කරන්නෙකි .
වියට්නාමයේ හෝචිමිං නුවර සිට වියට්නාම් ගුවන් සේවයේ වී.එන්.- 671 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබු ඔහු විසින් රැගෙන ආ ගමන් මල්ල ගුවන් තොටුපොළ රේගු මත්ද්‍රව්‍ය පාලන අංශයේ නිලධාරීන් විසින් පරිලෝකන යන්ත්‍ර පරීක්ෂා කිරීමේදී සිය ඇදුම් අතර, පැකැට් 07 ක් ලෙස සකස් කර, සගවා ගෙන සිටි කිලෝ ග්‍රෑම් 05 ග්‍රෑම්100 ක් බරැති කුෂ් මත්ද්‍රව්‍ය තොගය සොයා ගැනීමට හැකි වී තිබේ.
