මහ බැංකු අධිපතිගෙන් විශේෂ හෙළිදරව්වක්
වර්තමානයේ දී රට යම් ස්ථාවර මට්ටමකට පැමිණ ඇත්තේ වැරැදි නිවැරැදි කරමින් විනිවිද භාවයකින් යුතුව කටයුතු කිරීම නිසා බව ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහ පවසයි. පෙරදී රටේ මූල්‍ය තත්වය පිළිබඳ සත්‍ය තොරතුරු එවකට සිටි ජනාධිපතිවරුන්ට පවා වසන් කර තිබූ බවද හෙතෙම සඳහන් කරයි. මහ බැංකු අධිපතිවරයා මේ බව අනාවරණය කළේ අන්තර්ජාල නාලිකාවක් සමඟ පැවැති සාකච්ඡාවකදීය.
එහිදී මහ බැංකු අධිපතිවරයා මෙරට ආර්ථික වශයෙන් බංකොලොත් වීමට මූලික වූ හේතු සහ ඒ පිටුපස පැවැති පරිපාලනමය දුර්වලතා පිළිබඳව විශේෂ හෙළිදරව්වක්ද කළේය. ඉකුත් 2022 අප්‍රේල් මස 8 වැනිදා තමන් මහ බැංකුව අධිපති ධුරය භාරගන්නා අවස්ථාව වන විට මෙරට විදේශ සංචිත ප්‍රමාණය ඇමරිකානු ඩොලර් මිලියන 25ක් වැනි අතිශය අවම මට්ටමකට ඇද වැටී තිබූ බවත්, ඩොලර් බිලියන හයක ණය වාරික ගෙවීමට තිබූ බවත් අධිපතිවරයා සඳහන් කළේය.
✍️ ධාරා අබේනායක විසිනි.
