හිරු එළියෙන් අපේ සමට නිතරම හානි සිද්ධ වෙනවා. සාමාන්යෙන් උදෑසන නවය සවස හතර අතර කාලය දක්වා හොඳින් අව්ව තිබෙන අතර උණුසුමත් අධිකයි. සම නිරෝගීව පැහැපත්ව තියාගන්න නම් මේ හිරු එළියට අධික ලෙස නිරාවරණය නොවෙන්නත්, එළිමහනට යනවිට Sunscreen එකක් පාවිච්චි කිරීමත් අනිවාර්ය දෙයක්. එමගින් හිරුගේ හානිකර UV කිරණවලින් සම ආරක්ෂා වෙන අතර තරුණ පෙනුම රැක දෙනවා.
• Sunscreen එකක් අවශ්ය ඇයි?
සමට හානිකරන අහිතකර පාරජම්බූල කිරණ (UV) වර්ග දෙකක් හිරු එළියේ අඩංගුයි.
UVA කිරණ – සම ඉක්මනින් වියපත් කරනවා. සමේ රැළි ඇතිවීමටත් මේ කිරණ හේතුවක්.
UVB කිරණ – සමේ පිළිකා වර්ධනයට හේතු වෙනවා.
ශ්රී ලංකාව වගේ තද හිරු රශ්මිය පවතින රටක අව්ව නොමැති දිනවල වුවත් Sunscreen භාවිතා කිරීම සමේ ආරක්ෂාවට වැදගත්.
• Sunscreen එකක් මිලට ගන්න කලින් මේ ගැන හිතන්න.
° SPF 30 හෝ ඊට වැඩි අගයක් සහිත වීම
SPF අගයෙන් හිරු එළියෙන් ආරක්ෂා වෙන කාල සීමාව දැක්වෙනවා. (SPF 30 = 30 min) SPF අගය වැඩිවන තරමට සමට ලැබෙන ආරක්ෂාව වැඩියි. එමෙන්ම ඔබ පිහිනීම හෝ අධිකව දහඩිය දමන ක්රියකාරකම් සිදුකරනවා නම් Water-Resistant සහිත sunscreen එකක් භාවිතා කරන්න.
• ආලේප කිරීමේදී
යම්තම් නොව ප්රමාණවත් ලෙස සම පුරාම ආලේප කරන්න. එලිමහනේ වැඩිවෙලා රැඳී සිටිනවානම් පැය දෙකකට වරක් නැවත නැවත ආලේප කරන්න. Moisturizer, makeup වැනි ආලේපන ගැල්වීමෙන් පසුව sunscreen භාවිතා කරන්න.
