කෙන්ටාගේ කඩු තුඩ – As the Tea Brews
එය සරත් සෘතුවේ උදෑසනකි. සුළඟ සිසිල්ය. උණ පඳුරු වලින් වටවූ ,සෙමින් ගලා යන දිය පහරක් සහිත සෙන් උද්යානයකි. එහි එළිපත්ත වටකුරුව පිහිටා ඇත. නිවසට යන පාරේ ගල් අතුරා ඇත. කුඩා නිවස උණ බම්බුවලින් තැනූ එකකි. මේ කුඩා නිවහනේ එයිජි ජීවත්වුණේය. ඔහු සාමය උදෙසා ප්රචණ්ඩත්වයෙන් පිරුණු ලෝකයෙන් ඈත්ව නිදහසේ ජීවත්වන පැරණි සමුරායිවරයෙකි. එයිජි ෂෝගන්ගේ අවසන් යුද්ධයේ ජෙනරාල්වරයෙක්ව සිටියේය. ඔහු හමුදාවන් ජයග්රහණය කරා ගෙනයමින් ඔවුන්ගේ ප්රධානියාට ජපානය අත්පත් කර ගැනීමට අවස්ථාව ලබා දුන්නේය. රාජකාරිය සම්පූර්ණ වූ පසු එයිජි විශ්රාම යාමට සිතුවේය. තමා තවදුරටත් යුද්ධයට කැමති නැත. තම කඩු, සන්නාහ භාර දී තිළිණ කළ මුදල් රැගෙන ආ එයිජි එතැන් සිට සාමකාමී ජීවිතයක් ඇරඹුවේය.
සරත් සෘතුවේ මේ සීතල උදෑසන අවදි වන තුරු ඔහුගේ දින ඒකාකාරීව ගත විය. එදින ඔහු සාමාන්ය පරිදි අවදිව සිවුර ඇඳීමට පෙර සිය රිදී පැහැති හිසකෙස් සහ රැවුල පිළිබඳ සැලකිලිමත් විය. උණ බටයකින් සැකසූ කෝප්පයට වතුර ටිකක් දමාගෙන දොර විවෘත කළ ඔහුට දකින්නට ලැබුණේ අමුතු දසුනකි. ඔහු ඉදිරියේ සම්පූර්ණ සන්නාහයෙන් සැරසුණු සමුරායිවරයෙක් සිටියේය. ඔහු අතහැර දමා ආ ස්වාමියාගේ ලාංඡනය සහිත තද නිල් පැහැති කොඩියක් රැගෙන,සමුරායිවරුන්ගේ මුහුණ සහ ඇස් ආවරණය කරන හිස්වැස්ම පැළඳගත් අයෙක්.
“ඔබ මගේ ස්වාමියාගේ ධජය දරා සිටින බව මට පෙනේ. නමුත් මම තවදුරටත් ඔහුට සේවය නොකරමි. කණගාටුයි. දේශයේ කරදර ඇති වී ඇති බව මට සිතාගත හැකිය. ඔබ මෙහි පැමිණ ඇත්තේ ඒ නිසාවන බව මා දන්නා නමුත් මම විශ්රාම ගොස් අවසන්ය.”
එයිජි පැවසුවේය. සමුරායිවරයා ඔහුට සමීප වෙයි.
“ඔබ පැරණි මිතුරන්ට සත්කාර කරන එකත් නතර කරාද?”
සමුරායිවරයා හිස් වැස්ම ගලවමින් අසන්නේ ඔහු හා හිනැහෙමිනි.
“කෙන්ටා? ඒ ඇත්තටම ඔයාද?”
කෙන්ටා ඔහුගේ මිත්රශීලී සිනාව පායි. එය පෙර සේම උණුසුම්ය. තමාගේ මෙන් ඔහුගේ කොණ්ඩයද රිදී පැහැයට හැරී ඇත. ඔහු කොණ්ඩය ගැටයක් අයුරින් ගැට ගසා රැවුල සම්පූර්ණයෙන් මුඩුකර තිබේ.
“හෙලෝ ජෙනරාල්. ඒක දිග වැඩියි.”
එයිජි සහ කෙන්ටා එකිනෙකාට ගෞරවයෙන් දුන්නක් බෙදා ගනියි.
“කරුණාකරල, ඇතුළට එන්න.”
මිතුරන් දෙදෙනා නිවස තුළට යයි. එයිජි තම මිතුරාට ඉඳ ගැනීමට පැදුරක් එළයි.
“තේ?”
“ඔව්, තේ එකක් හොඳයි. ස්තූතියි.”
උදුන දල්වන එයිජි කේතලය ඒ මත තබයි. බඳුනට වියළි තේ කොළ දමන ඔහු නිහඬබව බිඳියි.
“තේ එකකුයි කතාබහකුයි කියන්නෙ රසවත් දෙයක්. කොහොම වුණත් හදිස්සියෙම මෙහේ ආවෙ ඇයි?”
“ෂෝගන් මිය ගිහින්.”
ඒ ආරංචිය එයිජිව විස්මයට පත් කරයි.
“අලුත් ෂෝගන්, ඔහුගේ වැඩිමහල් පුතා. තව ටික දවසකින් දිවුරුම් දේවි.”
තේ පිළියෙළ කිරීම දිගටම කරගෙන යන අතරතුර එයිජි හිස වැනුවේය.
“කෙසේ වෙතත්, දෙවන පුතා තමාව නොසලකා හැරීම ගැන තරහෙන්ලු ඉන්නෙ. ඔහු වෙනම හමුදාවක් හදන බවට කතාවකුත් තියෙනව. මිනිහා යුද්ධෙකට ලෑස්ති වෙනව වගේ.”
එයිජි බඳුන්වලට තේ වත් කරයි
“මම මේකට සම්බන්ධ වන්නේ කොහොමද කියලා මට තේරෙන්නෙ නැහැ.”
“ෂෝගන්වරුන්ගේ ජයග්රහණයට, සාමයේ වසර ගණනාවකට ඔබ සෑහෙන දායක වුණා. අපේ අලුත් නායකයා නැවතත් ඔබේ සේවය ඉල්ලා සිටිනවා.”
කෝප්පයේ වතුර අඳුරු වුණේය.
“අපේ…? මම විශ්රාමිකයි. මම ඒ වගේ දේවල් අතහැරලා දැම්මා.”
“එයිජි..ජෙනරාල්, අපට ඔබේ උදව් අවශ්යයි.”
කෙන්ටා ඔහුගේ සන්නාහයට අත තබා රාජකාරී ස්වභාවයක් රැගත් ලියවිල්ලක් එළියට ගෙන එය එයිජි අතට පත් කරයි. ඔහු එය ප්රවේශමෙන් කියවයි. එය ෂෝගන් වෙනුවෙන් ආපසු එන ලෙස දුන් නියෝගයකි. එයිජි එය කියවා,
“මට මේ ගැන හිතලා බලන්න වෙලාවක් නැද්ද?”
යනුවෙන් අසයි. කෙන්ටා තේ කෝප්පය දෙස බලයි.
“තේ පෙරන තුරු ඉන්න. මේක තර්ජනයක් වගේ දැනිලා මම ඒක ප්රතික්ෂේප කළොත්?”
එයිජි දැඩි ලෙස පවසයි. ඔවුන් අතර නිහැඬියාවක් ඇතිවේ.
“එහෙනම් සතුරාට ඔබව අත්පත් කර ගත හැකි බව මම සහතික කළ යුතුයි.”
“එහෙම වුණාවෙ.”
එයිජි හිස නමා සිය තේ කෝප්පය ඔසවන්නේ “පරණ මිතුරන්ට.” යනුවෙන් පවසමිනි. මිතුරන් නිහඬවම තේ පානය කරයි. කෝප්පය බිම තබන එයිජි ගැඹුරු හුස්මක් ගනියි.
“මට මේ සටනට සම්බන්ධ වෙන්න බැහැ. මට සමාවෙන්න.”
කෙන්ටා හිස නමා නැගී සිටියි.
“කරදර කරාට සමාවෙන්න, මගෙ පැරණි මිතුරා.මට ඔබව අමතක වෙන්නෙ නැහැ.”
ඔහු තම තලය ඇද ගැනීමට ගිය නමුත් එයිජිගේ අත එය පිටවීම වළක්වන ආකාරය දැක පුදුම වේ. විදුලි වේගයෙන් එයිජි ඔහුගේ දෙපා ළඟට පැමිණේ.
“ඒක එතරම් පහසු නෑ යාළුවා.”
වේගවත් චලනයකින්, එයිජි කෙන්ටාව කාමරය හරහා විසි කරයි. කෙන්ටා සමබරතාව රැක ගැනීමට උත්සාහ කරයි. කෙන්ටා ඔහුගේ දෙපා ළඟට එන විට එයිජි තම ආයුධය ඇදගෙන නැගී සිටින මොහොත භාවිතා කර ඔහුගේ බිම ඇති පුවරුවකට දිව ගොස් ඔහුගේ දුන්න එළියට ගනී. ඔහු සූදානම් වේ. කෙන්ටා ඔහු දෙස බලන්නේ ඔහු පිස්සු වැටී ඇති ආකාරයට ය.
“ඇයි ඔයා මාත් එක්ක රණ්ඩු වෙන්නේ? ඔයාට ගෞරවයක් නැද්ද?”
එයිජි සමච්චල් කරයි,
“ගෞරවය? මගේ ගෙදරට ඇවිත් කරදර කරන එකේ තියෙන ගෞරවය මොකක්ද? ‘ඔයාගේ’ ස්වාමියාගේ ඉල්ලීම ප්රතික්ෂේප කළා කියලා මාව මරන්නද? මම මගේ කාලෙ වැඩ කළා! අපි දෙන්නම වැඩ කළා! අපි සටන් කළා! අනුන්ගෙ ජීවිත ගත්තා! මම තවත් ගන්න එක ප්රතික්ෂේප කරනවා. නමුත් ඔබ දිගටම ගියොත්, මට අවශ්ය දේ මමත් කරන්නම්.”
