North Korea – රුසියානු ආරක්ෂක අමාත්‍ය Sergei Shoigu ඇතුළු රුසියානු සහ චීන දූත පිරිසක් ඊයේ (ජුලි 28) උතුරු කොරියානු ජනපති Kim Jong Un හමුවූවා. ඒ Covid 19 වසංගතයෙන් පසු උතුරු කොරියාවට පැමිණි පළමු දූත පිරිස ලෙසින්. ඔවුන් වෙනුවෙන් Pyongyang හිදී පැවති විශාල හමුදා පෙළපාලිය අතරතුරදී උතුරු කොරියානු න්‍යෂ්ටික මිසයිල සහ නව ප්‍රහාරක ඩ්‍රෝන යාත්‍රා ප්‍රදර්ශනය කළ බැව් වාර්තා වෙනවා.
මෙහිදී ප්‍රදර්ශනය කෙරුණු නවතම Hwasong 17 සහ Hwasong 18 අන්තර් මහද්වීපික බැලස්ටික් මිසයිල මගින් එක්සත් ජනපදයේ ඕනෑම ස්ථානයක් ඉලක්ක කරගනිමින් ප්‍රහාර එල්ල කළ හැකි බවට KCNA රාජ්‍ය ප්‍රවෘත්ති සේවය වාර්තා කළා.
