Makadure Madhush – මාකඳුරේ මදුෂ් ඝාතනය වීම තුළ විශාල කුමන්ත්රණයක් තිබුණු බවත්, එය පිටුපස සිටි සියලු දෙනාටම නීතිය ක්රියාත්මක කරන ලෙසත් ඉල්ලා මාකඳුරේ මධුෂ්ගේ බිරිඳ වන ගයානි මුතුමාලි යන අය විසින් අද (10) පොලිස් මූලස්ථානයට පැමිණිල්ලක් ඉදිරිපත් කර තිබෙනවා.
පොලිස් අත්අඩංගුව තුළ සිටියදී මාකඳුරේ මධුෂ් ඝාතනය වීම ගැන සැකයක් මතුවන බවයි පැමිණිල්ල ඉදිරිපත් කිරීමෙන් පසුව මාධ්ය වෙත අදහස් දක්වමින් ඇය සඳහන් කළේ.
අධිකරණයක් මඟින් දඬුවමක් ලබාදී එල්ලා මැරුවත් තමන්ට එය ගැටලුවක් නොවන බවත්, එහෙත් ඔහු සතෙකු මෙන් මහමඟ මරා දැමීම සම්බන්ධයෙන් තවමත් සාධාරණයක් ඉටු වී නොමැති බවත් ඇය පවසා සිටියේ.
ඒ අනුව, වත්මන් ආණ්ඩුව විසින් මේ සම්බන්ධයෙන් පරීක්ෂණයක් සිදුකර, සාධාරණයක් ඉටු කරනු ඇතැයි බලාපොරොත්තු වන බවයි ඇය මාධ්ය වෙත අදහස් දක්වමින් ප්රකාශ කර සිටියේ.
