Former DIG – සේවය අත්හිටුවා ඇති හිටපු පොලිස්පති දේශබන්දු තෙන්නකෝන් මාතර මහේස්ත්‍රාත් අධිකරණය හමුවට පැමිණ තිබෙනවා. මාතර මහේස්ත්‍රාත් අධිකරණය මඟින් පසුගියදා නිකුත් කළ වරෙන්තුවක් අනුව ඔහු එහි පැමිණ ඇති බවයි සඳහන් වෙන්නේ.
2023 වසරේ වැලිගම හෝටලයක් අසල සිදුවූ වෙඩි තැබීමේ සිද්ධිය සම්බන්ධයෙන් රක්ෂිත බන්ධනාගාරගත කර සිටි දේශබන්දු තෙන්නකෝන්, පසුගිය 10 වැනිදා ඇප ලබා පිටව යාමේදී, අධිකරණ නියෝග කඩ කරමින් මෝටර් රථයක් අධිකරණ භූමියට ගෙන්වා පිටව යාම සම්බන්ධයෙන් අපරාධ පරීක්ෂණ දෙපාර්තමේන්තුව විසින් අධිකරණයට කරුණු වාර්තා කර තිබුණා. එම මෝටර් රථයේ හිමිකරු සහ දේශබන්දු තෙන්නකෝන් යන දෙදෙනාටම මෙලෙස අද දිනයේ අධිකරණයේ පෙනී සිටින ලෙස නොතීසි නිකුත් කර තිබෙන බවයි වැඩිදුරටත් සඳහන් වෙන්නේ.
