Felix Verdejo Sanchez බොක්සිං ක්‍රීඩකයාට ජීවිතාන්තය දක්වා සිරදඬුවම්

Felix Verdejo Sanchez නම් වන හිටපු බොක්සිං ක්‍රීඩකයා,තම පෙම්වතිය ඝාතනය කිරීමේ චෝදනාවට වැරදිකරු බව එරට අධිකරණය විසින් තීන්දු කර තිබෙනවා. ඔහුගේ ගැබිණි පෙම්වතිය Keishla Rodriguez, 2021 අප්‍රේල් මාසයේදී අතුරුදහන් වූ අතර ඉන් දින කිහිපයකට පසු ඇගේ සිරුර San Juan හි කලපුවක තිබී සොයාගනු ලැබුවා. Keishla ට පහර දී,ඇගේ සිරුරට මත්ද්‍රව්‍ය එන්නත් කොට,කම්බිවලින් ගැටගසා කලපුවට දමා තිබූ අතර ඇය සහ ඇගේ නූපන් දරුවා ඝාතනය කිරීමේ වරදට මෙම බොක්සිං ක්‍රීඩකයාට ජීවිතාන්තය දක්වා සිරදඬුවම් නියම කෙරුණා.