Stockton Rush – Titan යාත්‍රාවේ ගමන් ගනිමින් සිටියදී මියගිය Ocean Gate හි විධායක නිළධාරී Stockton Rush එක් අවස්ථාවක පවසා ඇත්තේ Titan යාත්‍රාවේ කාබන් ෆයිබර් බඳ කොටස අලවා ඇති මැලියම් පීනට් බටර් මෙන් බවයි. “එය හරිම සරලයි.නමුත් ප්‍රශ්නයක් ඇතිවුනොත් යථා තත්වයට පත් කිරීම අසීරුයි”. Stockton Rush එලෙස පවසා තිබුණා. Titan යාත්‍රාවේ බඳ වානේ,ටයිටේනියම් වැනි ශක්තිමත් ලෝහයන්ගෙන් නිමවී තිබුණද එය අනතුරුදායක වග බොහෝ විශේෂඥයන් Stockton Rush ට අනතුරු අඟවා තිබුණා. යාත්‍රාවේ විදුලි පද්ධති සැකසීමේ කටයුතු නිමකර තිබුනේ විද්‍යාල වයසේ පසුවන ශිෂ්‍යයන් විසින්.
පිපිරුමක් ගැන අනතුරු අඟවා තිබුණත් Stockton Rush එම අදහස ප්‍රතික්ෂේප කර ඇත්තේ බොහෝ ගැඹුරු මුහුදේ පවා යාත්‍රා ගමන් ගන්නා බව පවසමින්. යාත්‍රාවෙන් ඇසුන ඝෝෂාකාරී ශබ්දය එතරම් ගණන් ගත යුතු දෙයක් නොවන වගට ඔහු පවසා තිබුණා. 2018 වසරේදී බහමාස් හි පැවති පරීක්ෂණ කිමිදීමක් අතරතුරදී Titan අකුණු සැර වැදීමකට අසුවූ අතර Ocean Gate ආයතනය සඳහන් කර ඇත්තේ අකුණු ප්‍රහාරය හේතුවෙන් යාත්‍රාවේ අභ්‍යන්තර පද්ධතිවලට 70% ක් පමණ හානි සිදුවන්නට ඇති බවයි.
– Hindustan Times ඇසුරෙනි –
