ආනයන වාහනවලට සියයට  පනහක අධිභාරයක්

ආනයන වාහනවලට සියයට  පනහක අධිභාරයක්

විදේශයෙන් මෙරටට ගෙන්වන වාහනවලට නියම කෙරෙන රේගු ආනයන තීරු බදු මත සියයට පනහක අධිභාරයක් අය කිරීමට තීරණය කරමින් ගැසට් නිවේදනයක් නිකුත් කොට ඇත.

පසුගිය මැයි මස 16සිට මාස තුනක කාල සීමාවක් සඳහා මෙම සියයට 50ක අධිභාරය අය කිරීමට නියමිත බැව් ජනාධිපති අනුර කුමාර දිසානායකගේ අත්සනින් යුතුව නිකුත් කොට ඇති විශේෂ ගැසට් නිවේදනයේ සඳහන්.

කෙසේ වුවද මැයි මස 15 හෝ ඊට පෙර ණය වර ලිපි විවෘත කර ඇති වාහන සඳහා මෙම නව සියයට 50ක අධිභාරය බල නොපවත්වන බවද එහි වැඩි දුරටත් දැක්වේ. මුදල් අමාත්‍යාංශය මෙම සියයට පනහේ අධිභාරය පසුගිය අප්‍රේල් මස පළ වැනිදා සිට ඉවත් කිරීමට මීට පෙර තීරණය කොට තිබිණි.

✍️ ධාරා අබේනායක විසිනි.