මේ මාසෙ අවසානෙ තෙල් මිලට වෙන්න යන දේ
ලෝක වෙළෙඳපොළේ ඉහළ යන තෙල් මිල හමුවේ මෙරට ඉන්ධන මිල සංශෝධනය සම්බන්ධව රජය මේ වන විට සලකා බලමින් සිටින බව අමාත්ය වෛද්ය නලින්ද ජයතිස්ස පැවසීය. ලෝක වෙළෙඳපොළේ මේ වනවිටත් ඉහළ ගොස් ඇති ඉන්ධන මිල ගණන් අනුව මෙරට ඉන්ධන මිලෙහි බර ජනතාව මත පැටවීමකින් තොරව සහනාධාරයක් ලබා දීමට රජය විසින් මේ වන විටත් සාකච්ඡා කරමින් සිටිව බවද අමාත්යවරයා හෙළි කළේය.
ඒ අනුව භාණ්ඩාගාරයේ ඇති මුදල්වලින් කොටසක් යොදවා ඉහළ යමින් පවතින ඉන්ධන මිල සඳහා සහනාධාරයක් ලබා දීමට රජය පියවර ගන්නා බවද අමාත්යවරයා අවධාරණය කළේය. තවද එම සහනාධාරය කොපමණද යන්න මෙතෙක් තීරණය කර නැතැයිද පැවසූ අමාත්යවරයා රජය සෑම විටම ලෝක වෙළෙඳපොළේ වැඩිවන ප්රමාණයම ජනතාව මත පැටවීමකින් තොරව යම් සහනයක් ලබා දීමට බලාපොරොත්තු වන බවද පැවසීය.
✍️ ධාරා අබේනායක විසිනි.
