මේක බල්ලන්ටත් බදු ගහන ආණ්ඩුවක්
තෙල් අර්බුදය පිළිබද ආණ්ඩුවට ස්ථාවර වැඩපිළිවෙලක් නොමැති බවත් තිබුණු ආණ්ඩු වලට දොස් කියමින් සිටියා මිස ඉන්නධ ගබඩා කර නොගත් බවත් තෙල් සහනාධරය අහිමි කර ඇති බැවින් පෞද්ගලික ඉන්ධන ආනයනික ආයතන තුනම තෙල් ගෙන්වීම අවම කර ඇති නිසා ආණ්ඩුවට තෙල් ප්රශ්නය විසඳිය නොහැකි බව පාර්ලිමේන්තු මන්ත්රී දයාසිරි ජයසේකර පවසයි. ඔහු මේ බව පැවසුයේ ශ්රී ලංකා නිදහස් පක්ෂ මාධ්ය හමුවක් අමතමිනි. තෙල් ගෙන්වන පෞද්ගලික ආයතන වෙනදා ගෙන ආ බවුසර් ප්රමාණය අද මිලදී නොගන්නා නිසා දුෂ්කර පළාත් වල පිරවුම්හල් වලට තෙල් නොමැති හේතුවෙන් ඒවා වැහෙන තත්වයක පවතින බව පැවසු මන්ත්රීවරයා,
“ජනාධිපති කියනවා ඉන්ධන සහනාධාර දෙනවා කියලා.. ඉදිරියේදී බලු බද්දක් එනවා… ජනතාවට බල්ලෙක් හදන්නත් වෙන්නේ නෑ බදු ගෙවන්නේ නැතුව.. පළාත් පාලන ආයතන වලට පශු වෛද්ය වරයෙක් අවශ්ය වෙනවා… පශු වෛද්ය වරුන්ගේ හිගයක් තිබෙනවා… කොහොමද බල්ලන් පිළිබද පළාත් පාලන ආයතන සියල්ලටම පශු වෛද්ය වරයෙක් දෙන්නේ…. ලංකාවේ හෝල් ඇතුලේ තිබෙන උත්සව වල ගීත ගායනා කරන්න මුදල් ගෙවා අවසරයක් ගන්න ඕන ඉදිරියේදී… ඒ වගේම සංගීත කණ්ඩායම් පැමිණ ගීත කියන ආයතන ව්යාපාරික ස්ථාන සුපිරි වෙළඳ සැල් සියල්ල රුපියල් 20000 සිට 120000 දක්වා බදු මුදලක් ගෙවන්න වෙනවා… මේ ආණ්ඩුව ජනතාවට ඇඩෙන්න බදු අය කරන්න යන්නේ…”
“නිවාස සුර්ය පැනල ඉදිකරන්න පුළුවන් කිලෝ වොට් 05 යි… ජනතාවට අවශ්ය ටික භාවිතා කරලා ගන්න තිබුණු මුදල අද නැති වෙලා තියෙනවා…. කිලෝ වොට් 05 ට ලැබෙන්නේ රුපියල් 14000 යි…. පනස් දාහක බිලක් එන කෙනාට ඉතුරු ටික අතින් ගෙවන්න වෙලා…. වහල කොපමණ ඉඩ තිබ්බත් අද ජනතාවට අවශ්ය පරිදි සුර්ය පැනල ඉදිකරන්න බෑ… අද ඒ කර්මාන්තය කඩා වැටීගෙන යනවා රැකියා දහස් ගණනක් අහිමි වෙනවා…. ඉන්ෂුරන්ස් කාර්ඩ් එක නවත්තලා…. ඩිජිටල් යුගයට යනවා කියලා ඇවිත් අද ඉන්ෂුරන්ස් කාර්ඩ් එකත් අහිමි කරලා… 4G කණු 1000 ක් හදනවා කිව්වා එහෙම වූණොත් එක දවසට එක කණුවක් හදන්න ඕන විශ්ව විද්යාල 50 හදනවා කිව්වා… වැව් හදනවා කිව්වා.. මේ කියපු කිසි දෙයක් කරන්න බෑ.. බොරු කියලා අන්දනවා… අපි අගමැති තුමියගේන් අපි අහන්නේ එදා ජාතික ජනබලවේගයේ මතය මේකද කියලා…. අපි අද පොල්දුව මන්සන්දියට එන්නෙ ආණ්ඩුවේ මේ ක්රියාකාරිත්වයට එරෙහිව…. ”
යනුවෙන් වැඩිදුරටත් අදහස් දැක්වීය.
✍️හේමන්ත වික්රමපාල විසිනි.
