පළාත් සභා ඡන්දය තියනවා බයවෙන්න එපා!

පළාත් සභා ඡන්දය තියනවා බයවෙන්න එපා – විද්‍යා හා තාක්ෂණ අමාත්‍ය

පළාත් සභා මැතිවරණය කල් යෑම පිළිබඳව කතිකාවතක් ඇතිව තිබෙන මොහොතක “අනිවාර්යයෙන්ම මේ වසර ඇතුළත පළාත් සභා මැතිවරණය පවත්වන බව” විද්‍යා හා තාක්ෂණ අමාත්‍ය මහාචාර්ය ක්‍රිෂාන්ත අබේසේන සඳහන් කළේය. ඒ මහනුවර ප්‍රදේශයේදී ඊයේ (15) පැවැති රැස්වීමකට සහභාගී වෙමිනි. මේ සම්බන්ධව වැඩිදුරටත් අදහස් දැක්වූ අමාත්‍යවරයා මෙසේද පැවසීය.

“පළාත් සභා ඡන්දය පවත්වනවා. කව්ද කියන්නේ ප්‍රමාද කරනවා කියලා. අපිට දිට්වා තිබුණා. මේ අවුරුද්ද ඇතුළත පළාත් සභා ඡන්දය තියනවා. බයවෙන්න එපා. හැබැයි කොයි කාලෙද කියලා කියන්න නම් බෑ. අමාත්‍යංශය හරහා කරන්නේ. මේ අවුරුද්ද ඇතුළත තියෙනවා කියන අදහසේ තමයි අපි හැමෝම ඉන්නේ.”

✍️ ධාරා අබේනායක විසිනි.