කැරට් කේක් රෙසපියක්

කැරට් නිතරම වගේ ගෙදරට ගේන එළවළුවක්. කැරට් කරි එක, සම්බෝල තමයි ගොඩක් අය හදන්නෙ. එත්, කැරට් කේක් හරිම රසවත් කෑමක්. ඒ වගේම ගුණයි. කැරට් කන්න අකමැති අයත් අනිවාර්යයෙන්ම මේ කේක් එකට කැමති වෙනවා. 

• අවශ්‍ය ද්‍රව්‍ය

කැරට් 100g

සීනි 70g

පාන්පිටි 70g

බිත්තරයක්

තෙල් මේස හැදි 03

බේකින් සෝඩා ස්වල්පයක්

බේකින් පවුඩර් ස්වල්පයක්

ලුණු ස්වල්පයක්

කුරුඳු කුඩු ස්වල්පයක්.

• සාදන අන්දම

ගාගත් carrot වලට බිත්තර, තෙල් සහ සීනි එකතුකර මිශ්‍ර කරන්න. මීළඟට අනෙකුත් ද්‍රව්‍ය සියල්ලම ලොකු භාජනයකට දමා මිශ්‍ර කර ගන්න. ඉන්පසුව මිශ්‍ර කරගත් කැරට්, බිත්තර, තෙල් සහ සීනි එයටම එකතු කර හොඳින් මිශ්‍ර කරන්න. මිශ්‍රණය Cake tray එකකට දමා 180c දී විනාඩි 25-30 අතර බේක් කර ගන්න. කැමති නම් icing කරගන්නත් පුළුවන්.