Visa Free – වීසා බලපත්‍රයක් සඳහා අයදුම් කිරීම වෙනුවට සියලුම සංචාරකයින්ට විද්‍යුත් සංචාරක අවසර පතක් ලබාදිය හැකි ඩිජිටල් වේදිකාවක් තම රජය විසින් සකස් කර දී ඇති බව කෙන්යානු ජනාධිපති William Ruto පවසයි. “ලෝකයේ ඕනෑම කොනක සිට කෙන්යාවට පැමිණීම සඳහා වීසා බලපත්‍රයක් සඳහා අයදුම් කිරීමේ බර තවදුරටත් උසුලාගෙන යෑමට අවශ්‍ය නොවනු ඇත.” කෙන්යාවේ, අගනුවර පැවති බ්‍රිතාන්‍ය අධිරාජ්‍යයෙන් නිදහස් වීමේ 60 වසර සැමරීමේ උත්සවයක් අමතමින් ඔහු එසේ පවසා තිබිණි.
සංචාරක කර්මාන්තය කෙන්යාවේ ආර්ථිකයේ වැදගත් කාර්යභාරයක් ඉටු කරයි. එහි ඉන්දියානු සාගර වෙරළ තීරයේ වෙරළ නිවාඩු දින සහ රට අභ්‍යන්තරයේ වනජීවී සෆාරි ලබා දෙයි. කෙන්යානු ජනාධිපතිවරයා, අප්‍රිකානු මහාද්වීපය තුළ වීසා රහිත සංචාරක ක්‍රමවේදයක් සකස් කිරීම සඳහා දිගු කලක් තිස්සේ පෙනී සිටි අයෙකි. ඔක්තෝම්බර් මාසයේදී කොංගෝ ජනරජයේ පැවති සම්මන්ත්‍රණයකදී ඔහු කියා සිටියේ, අප්‍රිකානු රටවල පුද්ගලයින්ට 2023 වසර අවසාන වන විට කෙන්යාවට යෑමට වීසා බලපත්‍රයක් අවශ්‍ය නොවන බවයි. පැවසු ලෙසින්ම, පසුගිය දෙසැම්බර් 12 වනදා වන විට සිය පොරොන්දුව ඉටුකරමින් ජනපති රූටෝ පැවසුයේ, “කෙන්යාව මනුෂ්‍යත්වය වෙනුවෙන් ලබාදෙන සරල පණිවිඩයක් ඇත, ඒ අපි ඔබව අපේ නිවහනට සාදරයෙන් පිළිගන්නවා! ” යනුවෙනි.
-Reuters ඇසුරෙනි-
Image Source: Grashom Online / Planet Rulers
