Taliban නායකයාගේ වාචික නියෝගයක් මත ඇෆ්ගනිස්ථානයේ කාන්තා රූපලාවන්‍යාගාරවල බලපත්‍ර අවලංගු කරන ලෙසට තලෙයිබාන් අමාත්‍යාංශය විසින් කාබුල් නගර සභාවට නියෝගයක් නිකුත් කර ඇති බව විදෙස් මාධ්‍ය වාර්ථා කර තිබෙනවා. තලෙයිබාන් අමාත්‍යාංශයේ ප්‍රකාශක මොහොමඩ් අකිෆ් මහජාර් TOLO පුවත් වෙත පවසා තිබුණේ කාබුල් ඇතුළු රටපුරා සියළු ප්‍රදේශවල රූපලාවන්‍යාගාර තහනම් කර ඇති බවයි.
“පිරිමින්ට රැකියා නැහැ. ඔවුන්ට තම පවුල බලාගන්න නොහැකි වුණාම කාන්තාවන් පාන් ගෙඩියක් සොයා ගැනීමට රූපලාවන්‍යාගාරවල සේවය කරනවා. ඒකත් ඔවුන්ට තහනම් කරාම මොකද වෙන්නෙ? කුසගින්නෙන් මැරෙන්න ඕනද? ඔවුන් කැමතියි අපි මිය යනවා දකින්න” ඒ පිළිබඳව අදහස් දැක්වූ රූපලාවන්‍ය ශිල්පී රයිහාන් මුබාරිස් එසේ පවසා තිබුණා.
තලෙයිබාන් සංවිධානය විසින් ඇෆ්ගනිස්ථාන කාන්තාවන්ට සහ ගැහැණු ළමුන්ට සිදුකරන සීමා පැනවීම් ජාතික සහ ජාත්‍යන්තර මට්ටමින් කතාබහට ලක්වී තිබෙනවා.
– NDTV ඇසුරෙනි –
