STF – වන අලින්ගේ ආරක්ෂාව වෙනුවෙන් පොලිස් විශේෂ කාර්ය බලකායේ සහ ප්රාදේශීය පොලිස් නිලධාරීන්ගේ සහාය ලබාදෙන මෙන් වනජිවී දෙපාර්තමේන්තුව ඉල්ලීමක් යොමුකර තිබෙනවා.
සිදුව ඇති වන අලින්ගේ මරණ සම්බන්ධව ඉදිරි විමර්ශන කටයුතු සඳහා අපරාධ පරීක්ෂණ දෙපාර්තමේන්තුවේ සහ SOCO කණ්ඩායම් වල සහාය කඩිනමින් ලබාදෙන ලෙසයි එම දෙපාර්තමේන්තුව ලිපියක් යොමු කරමින් ඉල්ලා සිටින්නේ.
එසේම, සීගිරිය දිගම්පතන ප්රදේශයේ මියගිය වන අලින් අතරින් එක අලියකු සම්බන්ධයෙන් 2025-02-03 වන දින වනජීවී නිලධාරීන් වෙත පළමුවරට වාර්තා වී ඇති අතර, ඒ සම්බන්ධව වනජීවී සංරක්ෂණ දෙපාර්තමේන්තුව විසින් දඹුල්ල මහේස්ත්රාත් අධිකරණයේ නඩුවක් ගොනුකර විමර්ශන සිදු කරමින් පවතින බවයි සඳහන් වෙන්නේ.
සෙසු වන අලි දෙදෙනා වන රක්ෂිතය තුළම මියගොස් ඇති බවට වාර්තා වන අතර, ඉන් එක් සතෙකු ඇතෙකු බවද, එම ඇතාගේ දළ යුගල කිසිවෙකු විසින් ගලවාගෙන ගොස් ඇති බවද වාර්තා වන බව සඳහන්.
එමෙන්ම, ගල්ගමුව ප්රදේශයේ මියගිය වන අලියා සම්බන්ධයෙන් ගල්ගමුව මහේස්ත්රාත් අධිකරණය වෙත කරුණු වාර්තා කිරීමට නියමිත බවයි එම නිවේදනයේ වැඩිදුරටත් සඳහන් වෙන්නේ.
