Migration – මෙම වසර නිමවීමටත් පෙර විදේශ සේවා නියුක්ති කාර්යංශයේ ලියාපදිංචිය සහිත විදෙස් ගත වුවන් ගණන ලක්ෂ එකහමාර ඉක්මවා ඇති බව එම කාර්යාංශ ආරංචි මාර්ග වලින් දැනගන්නට ලැබෙනවා. මෙම වසර අවසාන වන විට ලියාපදිංචි වීම් ලක්ෂ තුන දක්වා ඉහල යාමක් අපේක්ෂා කරන බව එම ප්‍රකාශකයා වැඩිදුරටත් සඳහන් කර සිටියා.
2022 වසරේ සංඛ්‍යා ලේඛන වලට අනුව විදෙස්ගත ශ්‍රී ලාංකිකයන්ගේ ප්‍රමාණය ලක්ෂ තුන ඉක්මවා තිබු අතර ඔවුන් ප්‍රධාන වශයෙන් කටාර්,කුවේට්,සෞදි අරාබිය සහ එක්සත් අරාබි එමීර් රාජ්‍යයන් සඳහා සංක්‍රමණය වී තිබු බව වාර්තා වනවා. එමෙන්ම අනෙකුත් වසරවලට සාපේක්ෂව මෙම වසරේ රුමේනියාව සහ ජපානය සඳහා සංක්‍රමණය වීමේ වැඩි ප්‍රවණතාවයක් දක්නට ඇති බවද එම ප්‍රකාශකයා අවධාරණය කර සිටියා.
