Joe Biden – “රුසියාව යුක්‍රේනයට පහර දීමත් සමගින් අමෙරිකානු සංස්ථා 600 ක් පමණ රුසියාවෙන් ඉවත්වුණා. ඔබේ ආර්ථිකය යුරෝපයේ සහ එක්සත් ජනපදයේ ආයෝජන මත රඳාපවතින වග ඔබ මට පවසා තිබෙනවා. ඒ නිසා පරිස්සම් වෙන්න!” රුසියානු ජනපති Vladimir Putin සමග පැවති සාකච්ඡාවෙන් පසුව ඔහුගේ චීන සගයා Xi Jinping සමග සාකච්ඡාව අතරතුර Joe Biden එලෙස පවසා තිබෙනවා.
“මෙය තර්ජනයක් නොවෙයි. අනතුරු ඇඟවීමක් Joe Biden, CNN ප්‍රවෘත්ති සේවය සමග එසේ පවසා තිබුණා. “ඔහු සවන් දුන්නා. තර්ක කළේ නැහැ. ඔහු රුසියාවට සම්පූර්ණයෙන්ම බැඳී නැහැ. ඒකෙන් අපිට වැඩක් ගන්න පුළුවන්.” තවදුරටත් අදහස් දැක්වූ අමෙරිකානු ජනාධිපතිවරයා පවසා සිටියේ ප්‍රථම වරට යුක්‍රේනයට යුධ උපකරණ යැවීමේ තීරණය අසීරු තීරණයක් වූ බවයි. යුධ උපකරණ යුක්‍රේනයට යැවීමට ජනපති අනුමැතිය ලබාදුන් වග ධවල මන්දිරය මින් පෙර ප්‍රකාශ කර සිටි අතර ජනපති Joe Biden පැවසුවේ යුක්‍රේනයේ යුධ උපකරණ අවසන්ව තිබූ බවයි.
– Hindustan Times ඇසුරෙනි –
