Mahindananda Aluthgamage – කොළඹ ත්රිපුද්ගල මහාධිකරණය මගින් හිටපු අමාත්යවරුන් වන මහින්දානන්ද අලුත්ගමගේ සහ නලින් ප්රනාන්දු යන අයට පිළිවෙලින් වසර 20 ක සහ වසර 25 ක බරපතල වැඩ සහිත සිර දඬුවම් නියම කර තිබේ.
2015 ජනාධිපතිවරණ සමයේදී ක්රීඩා හා වෙළඳ අමාත්යවරුන් ලෙස කටයුතු කළ කාලය තුළ ක්රීඩා උපකරණ ආනයනය කිරීම සම්බන්ධයෙන් දූෂණ නඩුවක් සම්බන්ධයෙන් මෙම දෙදෙනාට දඬුවම් නියම කර තිබේ.
සැකකරුවන්ට එරෙහිව ගොනු කර ඇති චෝදනා සාධාරණ සැකයකින් තොරව ඔප්පු වී ඇති බව අධිකරණය තීන්දු කළේය.
අල්ලස් කොමිසම විසින් ගොනු කර තිබු මෙම නඩුවේදී, ක්රීඩා සමාජවලට බෙදා හැරීම සඳහා කැරම් බෝඩ් 14,000 ක් සහ දාම් ලෑලි 11,000 ක් ආනයනය කිරීමේදී 2014 සැප්තැම්බර් 01 සිට දෙසැම්බර් 31 දක්වා කාලය තුළ රුපියල් මිලියන 53.1 ක මුදලක් අයථා ලෙස පරිහරණය කළ බවට හිටපු අමාත්යවරුන් දෙදෙනාට චෝදනා එල්ල වී තිබේ.
