Katy Perry – සිඩ්නි නගරයේ පැවති Katy Perry ගේ සංදර්ශනයක් අතරතුර දී ඇගේ රසිකයෙක් වේදිකාව මතට කඩා වැදී තිබේ. ආරක්ෂක වැට හරහා අනවසරයෙන් වේදිකාව මතට ගොඩ වූ මේ තැනැත්තා හේතුවෙන් ගායිකාව පුදුමයට පත් වූ අයුරුත් ඔහු ඇය වෙත සමීප වීමට උත්සාහ කරද්දී ඇය එතැනින් ඉවතට යන අයුරුත් දක්නට ලැබුණා. ආරක්ෂකයන් වහා පැමිණ එම පුද්ගලයාව ඉවතට ගෙන ගිය අතර Hot N Cold ගීතය ගායනා කරමින් katty උත්සාහ කලේ ඇතිවූ බාධාව අවම කරගන්නටයි. ප්රසංගය රස විඳින ලෙස ඇය ප්රේක්ෂකයන්ගෙන් ඉල්ලා සිටියා.
Katty Perry ගේ නර්තනය, ඇඳුම් විලාසිතා සහ ගායනය පිළිබඳ බොහෝ විවේචන එල්ල වෙනවා. 40 හැවිරිදි ඈ මෑතකදී පැවසුවේ බොහෝ අය තමාව රිදවන බවත් අන්තර්ජාලය යනු එවැනි මිනිසුන්ට හොඳ කුණු ගොඩක් බවත් ය.
– page six ඇසුරිනි
