ICC Women Player of the Month July ස්ථානය දිනාහනිමට ශ්‍රී ලංකා ක්‍රිකට් නායිකා චමරි සමත්ව තිබෙනවා. ඒ ඉන්දියාවේ ආරම්භක පිතිකරුවන් වන Smriti Mandhana සහ Shafali Verma අභිබවා යමිනුයි.
චමරි අතපත්තු නායකත්වය දෙමින් ප්‍රථම වරට ශ්‍රී ලංකාව 2024 කාන්තා ආසියානු කුසලාන දිනා ගැනීමට සමත් උණා. ඒ පසුගිය කාලය පුරා හත් වරක් ආසියානු ශුරියන් වූ ඉන්දියානු කණ්ඩායම පරාජයට පත් කරමින්.
34 හැවිරිදි චමරි අතපත්තු ICC කාන්තා ක්‍රීඩිකාව සම්මානය දිනා ගත් තුන්වන අවස්ථාව මෙයයි. මෙම සම්මානය ලැබීම පිළිබඳව ඇය ICC ය සමග අදහස් දක්වා තිබුණා.
“ජුලි මාසයේ කාන්තා ක්‍රිකට් ක්‍රීඩිකාව ලෙස තෙවැනි වරටත් තේරී පත්වීම ගැන මම සතුටට පත්වන අතර මගේ කණ්ඩායමේ ක්‍රීඩිකාවන්ගේ සහ පුහුණුකරුවන්ගේ සහයෝගය ඇතිව මගේ සාර්ථකත්වය අඛණ්ඩව පිළිගැනීමට ලක්වීම සතුටට කරුණක්.”
“මෙම පිළිගැනීම් දැනටමත් මගේ රටේ සහ වෙනත් රටවල ක්‍රිකට් ක්‍රීඩා කරන සහ ඔවුන්ගේ රට වෙනුවෙන් ක්‍රීඩා කිරීමට කැමති දහස් ගණන් ගැහැණු ළමයින්ට ධනාත්මක පණිවිඩයක් යවනු ඇතැයි මම විශ්වාස කරනවා. ඔවුන් ක්‍රීඩාව වෙනුවෙන් කරන කැපවීම යම් දිනක ප්‍රතිඵලදායක වනු ඇති බවයි මම විස්වාස කරන්නේ.”
