Dubai – ඩුබායි හි සේවයේ නියුතුව සිටි පුද්ගලයින් දෙදෙනෙකු හදිසියේම මියගොස් ඇති බවට තොරතුරු ලැබී ඇතැයි ආරච්චිකට්ටුව පොලීසිය පවසයි. මෙසේ මරණයට පත්ව ඇත්තේ ආරච්චිකට්ටුව එස්. එම්. ජී. වත්තෙහි පදිංචි සඳුන් මධුසංක නැමති 28 හැවිරිදි අවිවාහක තරුණයෙකු සහ ආරච්චිකට්ටුව ඇන්ටන්විල් වත්තෙහි පදිංචිව සිටි රමේෂ් උදාර නැමති 42 හැවීරිදි දෙදරු පියෙකි.
මොවුන් සාමාන්‍යයෙන් දිනපතා තම ඥාතීන් සමග දුරකථන මාරගයෙන් සම්බන්ධතා පවත්වාගන ගොස් ඇති අතර මරණයට පත්වීමට දින කීපයකට පෙර තමන් අසනීප තත්වයකින් පසුවන බව මෙරට වාසය කරන සිය ඥාතීන් සමග පවසා ඇත. අනතුරුව රෝගී තත්වය උත්සන්න වීමෙන් එරට රෝහලකට ඇතුලත් කීරීමෙන් පසුව පසුගිය [මාර්තු 30] වැනිදා මරණයට පත්ව ඇති බව එරට රෝහල් ආරංචි මාර්ග හරහා අනාවරණය වී තිබේ.
