Dhaka International Film Festival – ජගත් මනුවර්ණ විසින් අධ්‍යක්ෂණය කරන ලද ” රහස් කියන කඳු” චිත්‍රපටය වෙනුවෙන්, 22 වන ඩකා අන්තර්ජාතික සම්මාන උළෙලේදී හොඳම ආසියානු සිනමා අධ්‍යක්ෂණයට හිමි සම්මානය හිමිව තිබේ.
මෙම චිත්‍රපටය ඔහුගේ කුළුදුල් සිනමා අධ්‍යක්ෂණය වන අතර පසුගිය කාලයේ විකාශනය අවසන් කළ “කොඩි ගහ යට” ටෙලිනාට්‍යයද ඔහුගේ අධ්‍යක්ෂණයකි. සන්නද්ධ තරුණ අරගල සමයේ අතුරුදහන්වීම් හා සම්බන්ධ කතා තේමාවක් රැගත් ” රහස් කියන කඳු” චිත්‍රපටය, ප්‍රහසන ශානරයට අයත් ප්‍රබන්ධමය වෘත්තාන්තයකි. ජගත් මනුවර්ණ, කලණ ගුණසේකර, සම්පත් ජයවීර, ධර්මප්‍රිය ඩයස්, ලක්මාල් ධර්මරත්න, සරත් කොතලාවල සහ මාදනී මල්වත්ත ඇතුළු ප්‍රවිණ නළු නිළියන් රැසක් රංගනයෙන් දායක වන මෙම චිත්‍රපටය තවමත් ශ්‍රී ලංකාවේ සිනමා ශාලාවන්හි ප්‍රදර්ශනය කෙරේ.
Image Source: Ada derana / Lanka Glitz
