Chaina අගහරුවාදා සිය තරුණ රැකියා විරහිත දත්ත ප්‍රකාශයට පත් කිරීම නවතා දැමුවේය. ලොව දෙවෙනි විශාලතම ආර්ථිකයට හිමිකම් කියන චීනය පවසන්නේ රැකියා වියුක්තිය ගණනයට යොදා ගත් මිණුම් ක්‍රමවේදය නැවත සමාලෝචනය කල යුතු බවයි. මෙම දත්ත සහ තොරතුරු සීමා කිරීමට චීන බලධාරීන් කටයුතු කළේ, එම දත්ත විදේශීය ආයෝජකයන් නොසන්සුන්වීමේ ප්‍රවනතාවක් ඇති කර ඇති නිසයි.
චීනයේ ජාතික සංඛ්‍යාලේඛන කාර්යාංශයේ (NBS) ප්‍රකාශකයකු වන Fu Linghui සදහන් කළේද, දත්ත එකතු කිරීමේ ක්‍රමවේදය “ප්‍රශස්ත” කරන තුරු මෙම ක්‍රියාමාර්ගය ගත් බවයි. මෑත වසරවල සරසවි සිසුන්ගේ සංඛ්‍යාව අඛණ්ඩව පුළුල් වෙමින් පැවතියද, වර්තමාන සිසුන්ගේ ප්‍රධාන වගකීම ඉගෙනීම බවයි. උපාධි ලැබීමට පෙර රැකියා සොයන සිසුන් ශ්‍රම බලකා සමීක්ෂණ සහ සංඛ්‍යාලේඛන වලට ඇතුලත් කල යුතුද යන්න පිලිබදව සමාජයේ විවිධ මත තිබෙන බවද Fu මහතා සදහන් කළේය. එමෙන්ම මෑත මාසවල චීනය සමහර ආයතනික ලේඛන සහ ශාස්ත්‍රීය සඟරා වෙත විදේශීය පරිශීලකයන්ගේ ප්‍රවේශය සීමා කර ඇත.
-REUTERS ඇසුරෙනි-
