CEB – ලංකා විදුලි බල මණ්ඩලයේ මාධ්‍ය ප්‍රකාශක නොයෙල් ප්‍රියන්ත එම ධූරයෙන් ඉල්ලා අස්ව ඇති බව විදුලි බල හා බලශක්ති අමාත්‍ය කංචන විජේසේකර ට්විටර් [X] පණිවිඩයක් නිකුත් කරමින් කියා සිටී.
මිට දින කිහිපයකට පෙර දෙරණ රුපවාහිනී නාලිකාවේ විකාශය වූ Big Focus නම් වැඩසටහනේදී “දරුවන්ට පාඩම් කිරීමට කුප්පි ලාම්පු එළිය ප්‍රමාණවත් ” යැයි කළ ප්‍රකාශයක් හේතුවෙන් එය සමාජ මාධ්‍ය ජාලා තුළ දැඩිව කතාබහට ලක්විය. පසුව මාධ්‍ය ප්‍රකාශකවරයා තම ප්‍රකාශය වෙනුවෙන් සමාව අයැද මාධ්‍ය නිවේදනයක්ද නිකුත් කර තිබිණි. එමෙන්ම අමාත්‍ය ජිවාන් තොණ්ඩමන්ගේ ට්විටර් [X] පණිවිඩයකට පිළිතුරු දෙමින් කංචන විජේසේකර අමාත්‍යවරයා සඳහන් කර තිබුණේ, ඔහුගේ එම ප්‍රකාශය “රජයේ හෝ ලංකා විදුලි බල මණ්ඩලයේ අදහස් පිළිබිඹු නොකරන බවත් අමාත්‍යංශය සහ ලංකා විදුලිබල මණ්ඩලය වෙනුවෙන් තමන් සමාව අයැදින” බවත් ය.
