Adam’s Peak – ශ්රී පාද උඩමළුව ආසන්නයේ ආරක්ෂක වැටකින් පහළට පැන පසුගිය (අප්රේල් 19) වනදා සිට අතුරුදන්ව සිටි තරුණයා දින පහකට පසුව නල්ලතන්නිය පොලිස් වසමට අයත්, රාජමලේ තේ වතුයායේදි ඊයේ (අප්රේල් 24) පස්වරුවේ සොයා ගත් බව නල්ලතන්නිය පොලිසිය පවසයි. මෙලෙස සොයාගනු ලැබුවේ, හම්බන්තොට සූරියවැව ප්රදේශයේ පදිංචි, 33 හැවිරිදි දිනේෂ් හේමන්ත නමැති තරුණයෙකි.
මෙම තරුණයා තමන් සමඟ නල්ලතන්නිය- ශ්රීපාද මාර්ගයෙන් ශ්රී පාදය වැඳ පුදා ගැනීමට පැමිණ සිට අතුරුදන්ව ඇති බව පවසමින් ඔහු සමග පැමිණි කාන්තාවන්, රත්නපුර සිරිපාගම පොලිසියට පැමිණිලි කර තිබිණි. මරේ තේවතුයායට අයත්, රාජමාලයේ කොටසේ දර කැඩීමට ගිය වතු කම්කරුවන් පිරිසක් විසින් මෙම තරුණයා තේවතුයාය ආසන්නයේ වැටි සිටින අයුරු දැක, නල්ලතන්නිය පොලිසියට දන්වා ඇති අතර පසුව ඔහු ප්රතිකාර සඳහා මස්කෙළිය ප්රාදේශීය රෝහලට ඇතුලත් කර තිබේ. තරුණයාගේ තත්ත්වය බරපතල නොවන බව රෝහල් අරංචි මාර්ග පවසයි.
