Angelina Jolie සමග දික්කසාදය අවසන් වී මාස කිහිපයකට පසු Brad Pitt ඒ සම්බන්ධව අදහස් දක්වා තිබෙනවා. GQ වෙත අදහස් දැක්වූ ඔහු පවසා සිටියේ එය දිගු නීතීමය ක්‍රියාවලියක අවසානය බවයි. දික්කසාදය අවසන් වීම සහනයක්දැයි ඔහුගෙන් ඇසූ පැනයට පිළිතුරු දුන් ඔහු පැවසුවේ “එය නීත්‍යානුකූලව සම්පූර්ණ වුණා.මම හිතන්නෑ ඒක ඒතරම් වැදගත් දෙයක් කියලා” යනුවෙනි. රසිකයන් “බ්‍රැන්ජලිනා” යනුවෙන් ඇමතූ මේ යුවළ විවාහයෙන් වසර දෙකකට පසුව වෙන්වීමට තීරණය කළා.
2016 වසරේදී දික්කසාද නඩුව ගොනු කළේ ඇන්ජලිනා විසින්. විවාහයට පෙර දශකයකට අධික කාලයක් යුවළක් ලෙසින් එක්ව ජීවත් වූ ඔවුන්ට දරුවන් සය දෙනෙක් සිටින අතර ඔවුන්ගෙන් තිදෙනෙක් මේ යුවළගේ ජීව විද්‍යාත්මක දරුවන් වන අතර අනෙක් තිදෙනා ඇන්ජලිනා විසින් දරු කමට හදාගත් දරුවන් වේ. දික්කසාදයෙන් පසු ඇන්ජලිනා ජොලීගේ නීතිඥයන් පවසා සිටියේ ඇය දරුවන් සය දෙනා වෙත සිය අවධානය ලබා දී කටයුතු කළ බවත් අවංකවම දැන් ඇයට වෙහෙස බව සහ දික්කසාදය සම්පූර්ණ වීම ඇයට සහනයක් බවත් ය. දරුවන් හා බ්‍රැඩ් පිට් ගේ සම්බන්ධතාවය මේ වන විට පළුදු වී ඇතිවග හැඟෙන්නේ ඔහුගේ ජීව විද්‍යාත්මක දියණියන් දෙදෙනෙක් සහ ඔහුගේ වාසගම සහිත දියණියක් ලෙසින් දියණියන් තිදෙනෙක් ම පිට් ගේ වාසගම තම නම් වලින් ඉවත් කර දැමීමට කටයුතු කර තිබෙන නිසාවෙන්.
– E Online ඇසුරිනි –
