CEB – නිවෙස්වල වහල මත සවි කර ඇති සුර්ය පැනල අද (අප්රේල් 13) සිට අප්රේල් මස 21 වන දින දක්වා දිවා කාලයේ සවස 3 දක්වා අක්රිය කර තබන ලෙස නිවේදනයක් නිකුත් කරමින් ලංකා විදුලිබල මණ්ඩලය ඉල්ලා සිටී. අලුත් අවුරුදු සාමය තුළ විදුලි ඉල්ලුම අවම මට්ටමක පැවතීම හේතුවෙන් ජාතික විදුලිබල පද්ධතියට එක් කරන ඉහළ විචල්යතාවයකින් යුත් පුනර්ජනනීය බලශක්ති දායකත්වය ජාතික පද්ධතියට අසාමාන්ය ආතතියක් ඇති කරන බව මණ්ඩලයේ අදහසයි. එහි ප්රතිපලයක් ලෙස පද්ධතියේ අවස්ථාතිතිය තියුණූ ලෙස පහත වැටී ඇති බව පවසන මණ්ඩලය, එය ඉතා සුළු උච්ජාවචනයකදී පවා අර්ධ වශයෙන් හෝ රට පුරා පුර්ණ වශයෙන් විදුලිය විසන්ධි වීමේ අවධානමක් ඇතිකළ හැකි බව එම නිවේදනය මඟින් ලංකා විදුලිබල මණ්ඩලය වැඩිදුරටත් විස්තර කර සිටී.
- Advertisement -