A New Movie – සිරස TV හි විකාශය වූ “කිඳුරංගනා” ටෙලිනාට්‍යයේ “විහඟ”ගේ චරිතය තුළින් අතිශය රසික ජනාදරයට පත්වූ අකිල සඳකැළුම් තිර රචනය ලියමින් අධ්‍යක්ෂණය කරන ලද ඔහුගේ කුළුඳුල් සිනමා නිර්මාණය “හද ගැස්ම” අද (නොවැම්බර් 01) වනදා සිට EAP මණ්ඩලයේ සිනමාශාලා ඇතුළුව දිවයින පුරා සිනමා ශාලාවන් හි තිරගතවීම ඇරඹේ. මෙම සිනමාපටය, දෙමව්පිය දූ දරු සෙනෙහසට පමණක් දෙවැනි වූ සහෝදර ප්‍රේමය පිළිබඳව හිතන්නට යමක් තරුණ පරපුර වෙත ළඟා කරවන කාලෝචිත කතා තේමාවකින් සමන්විත ය.
අර්ජූන කමලනාත්, ශාලිකා එදිරිසිංහ, නයෝමි පීරීස්, නවීන් දිල්ශාන්, හර්ෂිකා රත්නායක, කුමුදිනී අධිකාරි, කුමාර වඳුරැස්ස, පවිත්‍රා වික්‍රමසිංහ, ඉෂාන් මෙන්ඩිස්, ශාලිත ගුණවර්ධන, සෝමවීර ගමගේ ඇතුළු රංගන ශිල්පීන් පිරිසක් මේ සඳහා රංගනයෙන් එක්ව තිබේ.
කැමරා අධ්‍යක්ෂණයෙන් හා ආලෝකකරණයෙන් ජනිත් ගුණසේකර, සංස්කරණය, වර්ණ සංයෝජනය, දෘශ්‍ය ප්‍රයෝග හා දෙබස් පටිගත කිරීමෙන් දනාල් තිරංජන, 7.1 ශබ්ද නිර්මාණයෙන් සහ මිශ්‍රණයෙන් දිලාන් ගුණවර්ධන, සහය අධ්‍යක්ෂණයෙන් නිමේෂ් ලක්මාල්, සටන් අධ්‍යක්ෂණයෙන් සුමුදු අමල්ක, සංගීත අධ්‍යක්ෂණයෙන් සහ ගීත රචනයෙන් ලක්මාල් ෆනෑන්ඩු, ගීත ගායනයෙන් නලින් ෆනෑන්ඩු, රශිනි හෙට්ටිආරච්චි, තාරක ආචාරිගේ, වාසනා කාවින්දි ෆනෑන්ඩු ද, කලා අධ්‍යක්ෂණයෙන් සුමිත් කුඩලිගම ඇතුළු පිරිසක් එක් වී ඇති “හද ගැස්ම” ඉසුරු ෆිල්ම් නිෂ්පාදනයකි .
