Police Shoot – මාවනැල්ල පදියදොර ගම්මානයේ වැසියන් බියට පත් කරමින් කඩුවක් ද රැගෙන පුද්ගලයකු සැරිසරන බවට පොලිස් හදිසි ඇමැතුම් අංශයට ලද තොරතුරක් මත එම ස්ථානයට ගොස් ඔහුව පාලනය කිරීමට යෑමේදී, පොලිස් වෙඩි පහරට ලක්ව පුද්ගලයකු මියගොස් ඇතැයි පොලිස් ආරංචි මාර්ග සඳහන් කරයි. පොලිසිය එහි යන අවස්ථාවේදී එම පුද්ගලයා විසින් කාන්තාවක ප්‍රාණ ඇපයට ගෙන සිටි බවත්, ඔහුව පාලනය කිරීමට යෑමේදී, එම පුද්ගලයා පොලිස් නිලධාරීන්ට කඩුවෙන් පහරදී ඇති අතර ජීවිත ආරක්ෂාව පතා පොලිසිය සැකකරුට වෙඩි තබා ඇත. පසුව 52 හැවිරිදි සැකකරු මියගොස් ඇති අතර සිද්ධියෙන් කැපුම් තුවාල ලැබූ පොලිස් සැරයන්වරු දෙදෙනෙකු මාවනැල්ල රෝහලෙහි ප්‍රතිකාර ලබන බව වාර්තා වේ.
Image Source: Getty Image
