Sri Lanka Vs Bangladesh T20i – තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් සංචාරක ශ්‍රී ලංකා පිල සහ බංග්ලාදේශ පිල අතර සිලාත්හිදී ඊයේ (4) පැවැති ප්‍රථම තරගය ශ්‍රී ලංකා කණ්ඩායම ලකුණු 3 කින් ජයගැනීමට සමත් වුනා. ජයග්‍රහණය සඳහා ලකුණු 207 ක ඉලක්කයක් හඹාගිය බංග්ලාදේශ කණ්ඩායමට ඕවර 20 අවසානයේ කඩුලු 8 ක් දැවී ලබාගැනීමට හැකි වුනේ ලකුණු 203 ක් පමණයි. ඒ ශ්‍රී ලංකා පිල ඕවර 20 කදී කඩුලු 3 ට ලබාගත් ලකුණු 206 ට එරෙහිවයි.
ජයග්‍රහණය සඳහා බංගලාදේශ ක්‍රීඩකයින්ට අවසන් ඕවරයට ලකුණු 12 ක් ලබාගැනීමට අවශ්‍ය වූ නමුත් අවසන් පන්දු වාරය යැවූ දසුන් ශානකගේ දක්‍ෂ පන්දු යැවීම හමුවේ ලබාගැනීමට හැකි වුනේ ලකුණු 8 ක් පමණයි.
ටස්කින් අහමඩ්ට ජයග්‍රහණය සඳහා අවසන් පන්දුවට ලකුණු 5 ක් රැස්කිරීමට සිදුවූ අතර දසුන් එම පන්දුවට ලකුණක් පමණක් දෙමින් ශ්‍රී ලංකාව ජයග්‍රහණය දක්වා රැගෙන ආවේය. ජකීර් අලී පන්දු 34 කින් රැස්කළ ලකුණු 68 තරගය වෙනස් කළ අතර ඔහුගේ ලකුණු 68 ට හතරේ පහර 4 ක් සහ හයේ පහර 6 ක් ඇතුළත් විය.
පන්දු 21 කින් නොදැවී ලකුණු 44 ක් රැස්කළ චරිත් අසලංක තරගයේ වීරයා විය. කුසල් මෙන්ඩිස් 59, කමිඳු මෙන්ඩිස් 19, සදීර සමරවික්‍රම නොදැවී 61.
ඇන්ජලෝ මැතිව්ස් 17/2, බිනුර ප්‍රනාන්දු 41/2, දසුන් ශානක 36/2
නජ්මුල් හොසේන් සන්ටො 20, මහුමුදුල්ලා 54, ජකීර් අලී 68, මෙහෙදි හසන් 16
බංගලාදේශයට එරෙහි දෙවන විස්සයි විස්ස තරඟය හෙට (06) සිලාත්හිදී පැවැත්වීමට නියමිතයි.
